وسى ورايدا بٷگٸن پرەمەر-مينيستر باقىتجان ساعىنتاەۆ ٷكٸمەت وتىرىسىن تەك قازاق تٸلٸندە جٷرگٸزۋگە تىرىسقانىمەن اقمولا وبلىسىنىڭ ەكٸمٸ مەلٸك مىرزالين عانا ورىسشا بايانداما جاساپ, بٸلٸم جەنە عىلىم مينيسترٸ ەرلان ساعاديەۆ ورىس تٸلٸندە تٷسٸنٸكتەمە بەردٸ, دەپ حابارلايدى Baq.kz تٸلشٸسٸ.
ٷكٸمەتتٸڭ بٷگٸنگٸ وتىرىسىندا ينۆەستيتسييا تارتۋ مەسەلەسٸ, ورتا بٸلٸم بەرۋ ۇيىمدارىنىڭ جاڭارتىلعان مازمۇنعا كٶشۋٸ, اقتٶبە اگلومەراتسيياسىن اۋماقتىق دامىتۋدىڭ ٶڭٸرارالىق سحەماسى قارالدى.
ينۆەستيتسييالار جەنە دامۋ مينيسترٸ جەڭٸس قاسىمبەك بايانداماسىن تەك مەملەكەتتٸك تٸلدە جاساسا, بٷگٸن عانا سٶگٸسٸ الىنىپ تاستالعان ەنەرگەتيكا مينيسترلٸگٸ تەك قازاقشا سٶيلەدٸ. اۋىل شارۋاشىلىعى ۆيتسە-مينيسترٸ ارمان ەۆنيەۆ, «بەيتەرەك» حولدينگٸ مەن «KazakhInvest» كومپانيياسىنىڭ باسشىلارى دا مينيسترلەردٸڭ ٷردٸسٸن جالعاستىردى.
اقمولا وبلىسىنىڭ ەكٸمٸ مەلٸك مىرزالين ورىسشا بايانداما جاسادى.
ال بٸلٸم جەنە عىلىم مينيسترٸ ەرلان ساعاديەۆ بولسا بايانداماسىن قازاق تٸلٸندە ايتىپ, ورىسشا تٷسٸنٸكتەمە بەردٸ. وتىرىس اياقتالعان سوڭ ٷكٸمەت كۋلۋارىندا مينيستر كەلەسٸ جولى تەك 100% قازاق تٸلٸندە سٶيلەۋگە ۋەدە ەتتٸ.
«95 پايىز قازاقشا بولدى, ەندٸ قازٸر ونىڭ بەرٸن جاساپ جاتىرمىن. كەلەسٸدە 100 پايىز قازاقشا, كەلٸستٸك پە? كەلٸستٸك», - دەدٸ ول.
جۋرناليستەر مينيستردەن تەك مەملەكەتتٸك تٸلدە بايانداما جاساۋ قيىن با دەپ سۇرادى.
«ول بٷگٸنگٸ كٷننەن باستالمايدى عوي. كەلەسٸدە 100% قازاقشا بولادى, كەلٸستٸك پە?», - دەدٸ ول.
جۋرناليستەر ەدٸلەت مينيسترٸ مارات بەكەتاەۆتان «قازاقشاسىنىڭ قالاي» ەكەنٸن سۇرادى.
مينيستر: «ٶزدەرٸڭ كٶرگەندەي ٷيرەنٸپ جاتىرمىن», - دەپ جاۋاپ بەردٸ.
