Jezqazǵan mys balqytý zaýyty — «Qazaqmys» Tobynyń negizgi metallýrgiialyq kásiporyndarynyń biri. 2026 jyly kompaniia kásiporynnyń kúrdeli jóndeý jumystaryna, tehnikalyq qaita jaraqtandyrýǵa, óndiristik infraqurylymdy damytýǵa jáne jabdyqtardyń senimdiligin arttyrýǵa 25,2 mlrd teńgeden astam investitsiia baǵyttady, dep habarlaidy dalanews.kz.
Jańǵyrtýdyń keshendi baǵdarlamasy negizgi óndiristik tsehtardy, energetikalyq sharýashylyqty, infraqurylym nysandaryn jáne áleýmettik-turmystyq obektilerdi qamtidy. Baǵdarlamanyń negizgi maqsaty — zaýyttyń turaqty jumysyn qamtamasyz etý, ónerkásiptik qaýipsizdik deńgeiin arttyrý, tehnologiialyq protsesterdiń tiimdiligin jaqsartý jáne óndiristiń ekologiialyq kórsetkishterin kóterý bolyp tabylady.
Investitsiialardyń negizgi bóligi — 15,9 mlrd teńge — negizgi metallýrgiialyq jabdyqtarǵa kúrdeli jóndeý júrgizýge baǵyttaldy. Balqytý tsehynda №2 rýdnotermiialyq peshke, №1–3 anod peshterine jáne konverter blogyna (№1–4 konverterler) kúrdeli jóndeý jumystary júrgizilýde. Bul jobalar tehnologiialyq protsestiń senimdiligin arttyryp, jabdyqtardyń qyzmet etý merzimin uzartýǵa múmkindik beredi.
Taǵy 3,6 mlrd teńge tehnologiialyq jabdyqtardy jańartýǵa baǵyttaldy. Mys elektrolizi tsehynda 234 polimerbeton vannasy ornatylýda, TNDP-10000/10 kúshtik transformatory aýystyrylyp, №39 jańa kópirli kran montajdalýda. Balqytý tsehynda №1 karýseldi quiý mashinasyn, al jylý-energiiamen qamtamasyz etý tsehynda N-900 týrbonagnetatelin aýystyrý josparlanǵan.
Óndiristik infraqurylymdy damytýǵa erekshe kóńil bólinýde. Bul baǵytqa 4,4 mlrd teńge baǵyttaldy. Baǵdarlama aiasynda №1 gradirniaǵa kúrdeli jóndeý júrgizilip, mys elektrolizi tsehynyń shatyr jabyny aýystyrylýda, sondai-aq konverter bólimshesiniń shatyry qalpyna keltirilýde. Sonymen qatar balqytý tsehynyń ákimshilik-turmystyq keshenindegi dýsh bólmelerine kúrdeli jóndeý jumystary aiaqtalýda. Bul jumystar qyzmetkerlerdiń turmystyq jaǵdailaryn jaqsartýǵa múmkindik beredi.
Jyl sońyna deiin kompaniia shihtany daiyndaý tsehynyń jabdyqtaryna kúrdeli jóndeý júrgizýge jáne kran jabdyqtaryna qaýipsiz qyzmet kórsetýge arnalǵan mamandandyrylǵan alań qurýǵa qosymsha 1,4 mlrd teńge baǵyttaidy.
Jezqazǵan mys balqytý zaýytyn keshendi jańǵyrtý «Qazaqmys» kompaniiasynyńmetallýrgiialyq kásiporyndaryn damytýǵa baǵyttalǵan uzaq merzimdi investitsiialyq baǵdarlamasynyń bir bóligi bolyp tabylady. Iske asyrylyp jatqan jobalar óndiristik protsesterdiń senimdiligin, jabdyqtardyń tiimdiligin jáne óndiristiń ekologiialyq turaqtylyǵyn arttyrýǵa, sondai-aq qyzmetkerler úshin qaýipsiz ári qolaily eńbek jaǵdailaryn qalyptastyrýǵa múmkindik beredi.
