Ulytaý oblysynda “Qazaqmys” kásipornynyń aýmaǵynan mys quramdy shikizat urlaǵan 6 adamǵa sot úkimi shyqty, dep habarlaidy dalanews.kz.
Sot materialdaryna sáikes, 2025 jyldyń naýryz aiynda alty adamnan quralǵan top Jezqazǵan mys balqytý zaýytynyń shlak saqtaityn aýmaǵyna zańsyz kirgen. Kásiporyn “Qazaqmys” korporatsiiasyna tiesili.
Tergeý málimetinshe, kúdiktiler quramynda mys bar 2,1 tonna shikizatty urlap ketken. Keltirilgen shyǵyn kólemi 3,5 mln teńgeden asqan.
Urlanǵan ónim aldymen jalǵa alynǵan qoimaǵa jetkizilip, keiin Temirtaýǵa satýǵa jóneltilgen. Alaida shikizatty túsirý kezinde olardy Ulttyq qaýipsizdik komitetiniń qyzmetkerleri ustaǵan.
Sot barysynda aiyptalýshylar kinálaryn tolyq moiyndap, prokýratýramen protsestik kelisim jasaǵan.
Nátijesinde sot árqaisyna 3,5 jyl merzimge bas bostandyǵyn shekteý jazasyn taǵaiyndady. Keiin raqymshylyqqa ilinýine bailanysty jaza merzimi 2 jyl 4 aiǵa deiin qysqartylǵan.
Sondai-aq kásiporynǵa keltirilgen shyǵyn tolyq ótelgeni aityldy.
