ۇلىتاۋ وبلىسىندا “قازاقمىس” كەسٸپورنىنىڭ اۋماعىنان مىس قۇرامدى شيكٸزات ۇرلاعان 6 ادامعا سوت ٷكٸمٸ شىقتى, دەپ حابارلايدى dalanews.kz.
سوت ماتەريالدارىنا سەيكەس, 2025 جىلدىڭ ناۋرىز ايىندا التى ادامنان قۇرالعان توپ جەزقازعان مىس بالقىتۋ زاۋىتىنىڭ شلاك ساقتايتىن اۋماعىنا زاڭسىز كٸرگەن. كەسٸپورىن “قازاقمىس” كورپوراتسيياسىنا تيەسٸلٸ.
تەرگەۋ مەلٸمەتٸنشە, كٷدٸكتٸلەر قۇرامىندا مىس بار 2,1 توننا شيكٸزاتتى ۇرلاپ كەتكەن. كەلتٸرٸلگەن شىعىن كٶلەمٸ 3,5 ملن تەڭگەدەن اسقان.
ۇرلانعان ٶنٸم الدىمەن جالعا الىنعان قويماعا جەتكٸزٸلٸپ, كەيٸن تەمٸرتاۋعا ساتۋعا جٶنەلتٸلگەن. الايدا شيكٸزاتتى تٷسٸرۋ كەزٸندە ولاردى ۇلتتىق قاۋٸپسٸزدٸك كوميتەتٸنٸڭ قىزمەتكەرلەرٸ ۇستاعان.
سوت بارىسىندا ايىپتالۋشىلار كٸنەلارىن تولىق مويىنداپ, پروكۋراتۋرامەن پروتسەستٸك كەلٸسٸم جاساعان.
نەتيجەسٸندە سوت ەرقايسىنا 3,5 جىل مەرزٸمگە باس بوستاندىعىن شەكتەۋ جازاسىن تاعايىندادى. كەيٸن راقىمشىلىققا ٸلٸنۋٸنە بايلانىستى جازا مەرزٸمٸ 2 جىل 4 ايعا دەيٸن قىسقارتىلعان.
سونداي-اق كەسٸپورىنعا كەلتٸرٸلگەن شىعىن تولىق ٶتەلگەنٸ ايتىلدى.
