«Qazaqmys» korporatsiiasynyń Basqarma tóraǵasy Rýslan Óskenáli Batys kenishiniń ujymymen kezdesý ótkizdi. Jiynda óndiristi jańǵyrtý, eńbekti qorǵaý tiimdiligin arttyrý jáne qyzmetkerlerge arnalǵan áleýmettik kepildikterdi damytý máseleleri talqylandy, dep habarlaidy Dalanews.kz.
Jumys baǵdarlamasy aiasynda Basqarma tóraǵasy infraqurylymnyń qazirgi jaǵdaiy men ony zamanaýi tehnologiialyq sheshimder arqyly jańartý perspektivasy týraly baiandamalardy tyńdady. Jańǵyrtý korporatsiianyń turaqty damýyn qamtamasyz etý, ónimdilikti arttyrý jáne álemdik naryqta básekelestikti kúsheitý strategiiasynyń ajyramas bóligi ekeni erekshe atap ótildi.
Kezdesýde eńbek qaýipsizdigi máselesine airyqsha nazar aýdaryldy. Kenish basshylyǵy óndiristik jaraqattanýdy azaitý jáne eńbek jaǵdaiyn jaqsartý jónindegi korporativtik baǵdarlama aiasynda júzege asyrylyp jatqan sharalar týraly baiandady. Sondai-aq táýekelderdi baqylaý jáne eńbekti qorǵaý salasyndaǵy ozyq tájiribelerdi engizý tetikteri, onyń ishinde qyzmetkerlerdi oqytý jáne qorǵanys jabdyqtaryn jańartý máseleleri talqylandy.
«Qazaqmys» korporatsiiasy eńbek ujymy aldyndaǵy mindettemelerin oryndaýdy jáne óndiristi jańǵyrtýǵa, eńbek qaýipsizdiginiń joǵary deńgeiin saqtaýǵa, sondai-aq óz qyzmetkerleriniń áleýmettik turaqtylyǵyn qamtamasyz etýge investitsiia salýdy jalǵastyrýda.
