“Kazakhmys” korporatsiiasy eks-prezident Nursultan Nazarbaevqa ushaq satyp aldy degen aqparatty joqqa shyǵardy, dep habarlaidy Dalanews.kz.
Kompaniianyń resmi málimdeýinshe, Airbus ACJ TwoTwenty biznes-djeti úshin 84 million dollar jumsalǵan degen jańalyq shyndyqqa janaspaidy.
Korporatsiia ókilderi qandai da bir jeke tulǵaǵa arnalǵan ushaq satyp almaǵanyn aitady. Olardyń sózinshe, áýe kemesi kompaniianyń óndiristik qajettilikteri úshin alynǵan
Al qoǵamda taralǵan “Nazarbaev úshin arnaiy satyp alyndy” degen pikir negizsiz ári jurtty jańylystyrady.
“Kazakhmys” ókilderi media men áleýmettik jeli belsendilerin taratyp jatqan aqparattyń durystyǵyn tekserýge jáne jalǵan málimetke jol bermeýge shaqyrdy. Kompaniia málimdemesinde bul oqiǵaǵa qatysty kez kelgen aiyptaý men alyp-qashpa sózdiń esh dáleli joq ekeni atap ótilgen.
