QR Ulttyq ekonomika ministrligi Tabiǵi monopoliialardy retteý komitetiniń Qyzylorda oblysy boiynsha departamentimen 2022-2023 jyldary júrgizilgen jospardan tys tekserýleriniń nátijeleri boiynsha tutynýshylardyń ótinishteri negizinde "QazaqGaz Aimaq" AQ-nyń Qyzylorda filialy tarapynan retteletin qyzmet túrlerine jatpaityn talaptardy zańsyz qoiý faktileri anyqtaldy, dep habarlaidy Dalanews.kz.
"QazaqGaz Aimaq" AQ-nyń Qyzylorda filialy tutynýshylardy qosýǵa tehnikalyq sharttar berý kezinde tabiǵi monopoliialar týraly zańnamada kózdelmegen qosymsha qujattardy usynýdy talap etti, bul qoldanystaǵy zańnamany tikelei buzý bolyp tabylady.
Qyzylorda oblysy boiynsha komitet departamentiniń is-áreketteri, buzýshylyqtardy joiý týraly nusqamalary QR Joǵarǵy sotyn qosa alǵanda, barlyq satydaǵy sottarmen, rastaldy.
"Mamandandyrylǵan aýdanaralyq sottyń qaýlysymen filial tabiǵi monopoliialar týraly zańnamany buzǵany úshin kináli dep tanyldy. Filialǵa 61,3 mln teńge kóleminde ákimshilik aiyppul salyndy, ol tolyq kólemde ótelip, memlekettik biýdjetke aýdaryldy", delingen quzyrly organ habarlamasynda.
Buǵan deiin saitymyzda Qazaqstanda tsifrlyq mainingpen ainalysatyndarǵa arnalǵan taýarlyq gazdyń kóterme baǵasynyń shekti kólemi belgilengenin jazǵanbyz.
