Qolyna sábiin kóterip, jetkizý qyzmetinde jumys istep júrgen áieldiń sýreti Threads jelisinde qyzý talqyǵa tústi, dep habarlaidy dalanews.kz.
Jeli qoldanýshysy Almat Nesipqalievtiń aitýynsha, 8 maýsymda Almatydaǵy turǵyn úi keshenderiniń biriniń mańynda qolynda nárestesi bar áieldi baiqap qalǵan.
Onyń sózinshe, áieldiń arqasynda jetkizý qyzmetiniń sómkesi bolǵan. Alǵashynda qolyndaǵy bala shynymen sábi ekenine kúmándanǵan ol keiin jaqyndap baryp sóilesken. Áiel shamamen 3-4 ailyq balasymen jumys isteýge májbúr ekenin aitqan.
"Kúieýimniń tabysy jetpeidi, sondyqtan jumysqa shyqtym" degen áielge er adam qoldaý kórsetip, bir kúndik tabysyn berip, úiine qaitýyn ótingenin aitty.
Ol áleýmettik jeli qoldanýshylaryn áielge kómektesýge shaqyrǵan. Dese de jeli qoldanýshylary qazir alaiaqtyq kóbeigenin aityp, áieldiń óziniń bailanys nómirin, jeke paraqshasyn berýdi suraǵan.
