ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ قىزىلوردا وبلىسى بويىنشا دەپارتامەنتىمەن 2022-2023 جىلدارى جۇرگىزىلگەن جوسپاردان تىس تەكسەرۋلەرىنىڭ ناتيجەلەرى بويىنشا تۇتىنۋشىلاردىڭ وتىنىشتەرى نەگىزىندە "QazaqGaz Aimaq" اق-نىڭ قىزىلوردا فيليالى تاراپىنان رەتتەلەتىن قىزمەت تۇرلەرىنە جاتپايتىن تالاپتاردى زاڭسىز قويۋ فاكتىلەرى انىقتالدى، دەپ حابارلايدى Dalanews.kz.
"QazaqGaz Aimaq" اق-نىڭ قىزىلوردا فيليالى تۇتىنۋشىلاردى قوسۋعا تەحنيكالىق شارتتار بەرۋ كەزىندە تابيعي مونوپوليالار تۋرالى زاڭنامادا كوزدەلمەگەن قوسىمشا قۇجاتتاردى ۇسىنۋدى تالاپ ەتتى، بۇل قولدانىستاعى زاڭنامانى تىكەلەي بۇزۋ بولىپ تابىلادى.
قىزىلوردا وبلىسى بويىنشا كوميتەت دەپارتامەنتىنىڭ ىس-ارەكەتتەرى، بۇزۋشىلىقتاردى جويۋ تۋرالى نۇسقامالارى ق ر جوعارعى سوتىن قوسا العاندا، بارلىق ساتىداعى سوتتارمەن، راستالدى.
"مامانداندىرىلعان اۋدانارالىق سوتتىڭ قاۋلىسىمەن فيليال تابيعي مونوپوليالار تۋرالى زاڭنامانى بۇزعانى ءۇشىن كىنالى دەپ تانىلدى. فيليالعا 61،3 ملن تەڭگە كولەمىندە اكىمشىلىك ايىپپۇل سالىندى، ول تولىق كولەمدە وتەلىپ، مەملەكەتتىك بيۋدجەتكە اۋدارىلدى"، دەلىنگەن قۇزىرلى ورگان حابارلاماسىندا.
بۇعان دەيىن سايتىمىزدا قازاقستاندا سيفرلىق ماينينگپەن اينالىساتىندارعا ارنالعان تاۋارلىق گازدىڭ كوتەرمە باعاسىنىڭ شەكتى كولەمى بەلگىلەنگەنىن جازعانبىز.
