قوستاناي قالاسىنداعى كٶپقاباتتى تۇرعىن ٷي قۇرىلىسى جٷرٸپ جاتقان نىساندا 11 شەتەلدٸك ازاماتتىڭ زاڭسىز ەڭبەك ەتٸپ جٷرگەنٸ انىقتالدى, دەپ حابارلايدى dalanews.kz.
كٶشٸ-قون قىزمەتٸ پوليتسيياسىنىڭ مەلٸمەتٸنشە, ۇستالعاندار – كٶرشٸلەس مەملەكەتتەردٸڭ ازاماتتارى. ولار قۇرىلىس الاڭىندا جۇمىس ٸستەگەنٸمەن, رەسمي قۇجاتتاردا قازاقستاندىقتاردىڭ جەكە شارۋاشىلىقتارىندا ەڭبەك ەتەتٸن قىزمەتكەرلەر رەتٸندە تٸركەلگەن.
زاڭسىز ەڭبەك قىزمەتٸمەن اينالىسقانى انىقتالعان شەتەلدٸكتەرگە قاتىستى ەكٸمشٸلٸك ماتەريالدار رەسٸمدەلٸپ, ٸستەرٸ سوتقا جولداندى. ەگەر ولاردىڭ كٸنەسٸ دەلەلدەنسە, ايىپپۇل سالۋ نەمەسە قازاقستان اۋماعىنان شىعارىپ جٸبەرۋ تٷرٸندەگٸ جازا قولدانىلۋى مٷمكٸن.
اتالعان دەرەكتەر پوليتسييانىڭ «نەلەگال» جەدەل-پروفيلاكتيكالىق ٸس-شاراسى بارىسىندا انىقتالعان. سونىمەن قاتار رەيد كەزٸندە ەلدەن كەتۋ تۋرالى سوت شەشٸمٸن ورىنداماي, جاسىرىن جٷرگەن 28 جاستاعى شەتەلدٸك ازامات تا قولعا تٷستٸ.
سوت شەشٸمٸمەن وعان 30 تەۋلٸككە دەيٸن جٷرٸپ-تۇرۋ ەركٸندٸگٸن شەكتەۋ شاراسى قولدانىلىپ, قازاقستاننان مەجبٷرلٸ تٷردە شىعارۋ تۋرالى قاۋلى قابىلداندى. قۇزىرلى ورگاندار ونىڭ ەل اۋماعىنان شىعۋىن باقىلاۋعا الدى.
جالپى, بيىل قوستاناي وبلىسىندا كٶشٸ-قون زاڭناماسىن بۇزۋدىڭ 170 دەرەگٸ تٸركەلگەن.
