Sh.Aimanov atyndaǵy “Qazaqfilm” kinostýdiiasy sońǵy kúnderi Rysqulov dańǵyly, 101B mekenjaiynda ornalasqan jer ýchaskesi men burynǵy “Qazkino” keshenin satý týraly taralǵan aqparat shyndyqqa janaspaitynyn málimdeidi, dep habarlaidy Dalanews.kz.
Qazirgi ýaqytta ýchaske men ǵimarat kinostýdiianyń menshiginde jáne satýǵa shyǵarylmaidy.
Atalǵan ýchaskede avariialyq jaǵdaida turǵan ǵimarat anyqtaldy. Bul kinostýdiia mamandarynyń birneshe ret júrgizgen tekserýlerinde rastaldy. Aýmaqtaǵy qaýipsizdikti qamtamasyz etý jáne jazataiym jaǵdailardyń aldyn alý maqsatynda «Qazaqfilm» Almaty qalasy ákimdiginiń ókilderin tarta otyryp, keshendi saraptama júrgizýdi bastady. Sarapshylardyń qorytyndysy boiynsha osy ǵimaratty qaýipsiz paidalaný úshin qajetti sheshimder qabyldanady. Jer ýchaskesi men keshendi satý týraly barlyq aqparat jalǵan. Bul jalǵan aqparat ári qarai taralǵan jaǵdaida sotqa júginýge quqyǵymyz bar.
«Qazaqfilm» kinostýdiiasynyń aýmaǵyndaǵy ótkizý rejiminiń qatańdatylýy týraly habarlamalar da shyndyqqa janaspaidy. Qoldanystaǵy ótkizý júiesi qyzmetkerlerdiń qaýipsizdigin qamtamasyz etýge jáne kinostýdiia múlkin qorǵaýǵa arnalǵan. Mundai sharalar álemdegi barlyq kinostýdiialarda qalypty tájiribe bolyp sanalady jáne urlyq, órteý jáne basqa da oqiǵalardyń aldyn alý úshin qajet. Jaqynda engizilgen qaýipsizdik sharalary stýdiia aýmaǵynda bolǵan órt pen qyzmetkerlerge jasalǵan shabýyl siiaqty oqiǵalarǵa jaýap retinde jasalyp, stýdiiada jumys isteitinderdiń barlyǵyn qorǵaýǵa baǵyttalǵan.
Sonymen qatar, kinojobalardy qarjylandyrý týraly aqparatty túsindirýdi jón kórdik. 2023 jyly Ulttyq kinony qoldaý memlekettik ortalyǵy 18 jobany óndiriske jiberip, olardyń 10-yn 70%-dan astam qarjylandyryldy. Onyń ishinde eki joba 100% qarjylandyryldy. Al, qalǵan segiz joba 50%-dan tómen qarjylandyrý aldy, alaida olardyń birqataryna aralyq tólemder jasaldy. Keibir jobalardy qarjylandyrýdyń keshigýi Qazynashylyq komitettiń kesh qarjy bólýimen bailanysty. Sonymen qatar, keshiktirilý esepterdiń ýaqytyly tapsyrylmaýymen de bailanysty, bul kelesi transhtardy alý úshin qajetti shart.
«Qazaqfilm» kinostýdiiasy jalǵan aqparat taratý Qazaqstan Respýblikasynyń zańnamasyna sáikes jaýapkershilikke ákeletinin eske salady. Biz aqparat berýde dáldikti saqtaýǵa shaqyramyz jáne bedelimizdi qorǵaý, jalǵan málimet taratqandardy jaýapqa tartý úshin tiisti organdarǵa júginýge quqylymyz.
