Qazaq-túrik litseileriniń ataýy ózgeredi
Oqý ornynyń ataýyn ózgertý týraly sheshimdi «KATEV» halyqaralyq qoǵamdyq qory qabyldaǵan. QTL bilim alýshylary, ata-analar qaýymdastyǵy, litsei direktorlary bul sheshimdi biraýyzdan qoldaǵan.
«Qor basshylyǵynyń (Qordyń Quryltaishylar keńesi men Qordyń Ǵylymi-ádistemelik keńesi), QTL bilim alýshylarynyń ata-analar qaýymdastyǵy, litsei direktorlarynyń sheshimimen QTL ataýyna «rebrending» jasaý, iaǵni bilim berý uiymynyń qoǵamdaǵy orny men mártebesin jaily jaiǵastyrý maqsatynda atyn aýystyrýdy, jáne de ony Qazaqstan Respýblikasy Táýelsizdiginiń 25 jyldyq mereitoiyna orailastyryp, ataýyn «Bilim-innovatsiia litseii» dep ózgertý týraly bastama kóterip otyr», - delingen KATEV qory taratqan habarlamada.
Eske sala ketsek, Túrkiia prezidenti Redjep Taiyp Erdoǵan atalǵan litseilerdiń «dindar» Fethýlla Gúlenge tikelei qatysy baryn aityp, prezident Nursultan Nazarbaevqa olardy jabýǵa keńes bergen bolatyn. Óz kezeginde elbasy atalǵan oqý oryndaryna aýqymdy tekserýler júrgizetinin málimdedi.
Qazir «KATEV» HQQ basqarýynda 27 memlekettik qazaq-túrik litseii bar.
