Keshe Qasym-Jomart Toqaev ekinshi "Ortalyq Aziia – Resei" sammitine qatysty, dep habarlaidy Dalanews.kz.
Sammitte Memleket basshysy til týrasynda pikir bildirdi.
"Bul oraida elderimizdi biriktiretin, jalpy ortaq qundylyǵymyz sanalatyn orys tiliniń orny erekshe. Birlesken kúsh-jigerdiń arqasynda Halyqaralyq orys tili uiymyn qurǵanymyz qýantady. Onyń shtab-páteri Sochi qalasynda ornalasqan. El aldynda sóilegen sózderimde qazaq jastarynyń orys tilin jetik meńgergeni mańyzdy ekenin aityp júrmin. Biraq bul talap qazaq tiliniń memlekettik mártebesin odan ári nyǵaitýǵa baǵyttalǵan júieli jumystarǵa kedergi keltirmeidi. Qudai bergen ana tilderimiz konstitýtsiialyq tártippen memlekettik mártebege ie boldy. Sondyqtan qazaq tiline burynǵydai kóńil bóline beredi. Jastarymyz biliktiń qoldaýymen eki, tipti úsh-tórt tildi ońai meńgere alatynyna senimdimin. Mundai mysaldar álemde az emes. Anyǵyn aitqanda, Qazaqstandaǵy jaǵdai osyndai. Elimizdiń ár azamaty ózine yńǵaily tilde sóileýge quqyly. Bul – "Birligimiz – áralýandyqta" dep atalatyn ulttyq saiasatymyzdyń ózegi", – dedi Memleket basshysy.
