Basy daýǵa qalǵan Qazaq Coffee kofehanasy jumysyn toqtatty, dep habarlaidy Dalanews.kz Qaz365.kz-ke siltep.
Qoǵamnyń synyna ushyraǵan Qazaq Coffee kofehanasy jabylyp, ol jalǵa beriletin bolǵan eken. Buryn kofehana ornalasqan jerdiń iesi biznestiń jabylǵanyn, keńse bos ekenin jáne jalǵa alýshy izdep jatqanyn habarlady.
«Biznes jabyldy, keńse bos, men jalǵa alýshysyz qaldym. Dostar, men bul keńseniń iesimin, sizder Qazaq Coffee iesimen shatastyrmańyzdar. Kesheden beri qaitadan ózime aldym, sondyqtan ol jalǵa beriledi. Bul jerdiń aýdany – 47-48 sharshy metr. Eger qyzyqtyrsa, meniń jekeme shyǵyńyzdar», - deidi buryn kofehana bolǵan orynnyń iesi.
Eske salsaq, Astanadaǵy Qazaq coffee meiramhanasy kelýshi qonaqqa qazaq tilinde as mázirin berýden bas tartyp, bul qoǵamda úlken rezonans týdyrǵan edi. Meiramhanaǵa kelýshi óz shaǵymyn 2GIS qosymshasyna jazǵan, al oǵan jaýap retinde kofehana ákimshiligi olardyń qyzmetkerleri qazaq tilinde sóileýge mindetti emes ekenin aitqan. Sóitip, 2GIS qosymshasynda myńdaǵan syni pikir jazyldy. Olardyń sany 26 myńnan asyp, al mekemeniń reitingi 1,1 juldyzǵa deiin tómendegen. Osydan keiin kofehana ákimshiligi Instagram-da keshirim surap, biraq kóp uzamai olar akkaýntyn joidy.
