Dosym Satpaev, shyn mánisinde, syrttan turyp synaýdy ǵana biledi. Aidan anyq faktilerdi konstatatsiialaýdyń has sheberi, dálelderdi qajet etpeitin, elge ábden belgili bolǵan problemalardy maiyn tamyzyp jariialaýdyń mamany.
Shynyna kelgende, óte yńǵaily pozitsiia. Bilik tarapynan pretenziia bola qalsa, «men ne istep qoiyppyn, jurttyń bári sony aityp júr ǵoi» deýge jaqsy.
Al sol aitylǵan problemalardy sheshýdiń joldaryn surasań, ol balanyń aitary joq. Qalbalaqtaidy da qalady. Ondai adamdardy negizinde «popýlist» deidi. Biraq, ádildik úshin aita keteiik, oqyǵany bar, kózi ashyq, kez kelgen taqyrypty, kámpit qusatyp, ádemi orap sata alatyn daryndy popýlist.
Ony da qoishyyzshi, qazir kim popýlist bolmai júr. Dosymnyń ómirlik pozitsiiasynda meni birshama kúmándandyratyn bir fakt bar.
Bul jigittiń saiasattanýshy atanyp, el aldyna shyǵyp júrgenine mine shirek ǵasyrdan asty. Negizgi qaýzaityn taqyryby – Qazaqstan, onyń ishki, syrtqy saiasaty. Oqyrmandary da negizinen qazaq aýditoriiasy. Pir tutatyn da sol qazaq.
Al sol Dosymnyń, osy eldiń azamaty bolyp, osy eldiń saiasi ómirine belsendi aralasyp júrip, sodan nápaqasyn taýyp júrip, ózi de memleket quraýshy ulttyń ókili bola turyp, sol eldiń memlekettik tilin, óziniń ana tilin meńgerip alýǵa zaýqy joq.
Sóitip júrip Dosym aǵylshyn tilin úirengenin, basqa da tilderdi óz betinshe igerip júrgenin kez kelgen jerde maqtanyshpen aitady.
Demek tilderge qabileti joq emes, bar. Bar bolsa da, qazaq tiline qulqy joq. Mundai kózqarasty men ne naqurystyqtyń nyshany nemese óz tiliniń bolashaǵyna senbeýdiń, sodan baryp syilamaýdyń belgisi der edim.
Basqalar úshin bul fakt kórsetkish bolyp kórinbeýi múmkin, árine.
Biraq men úshin bul kórsetkish. Adamnyń azamattyq pozitsiiasynyń, qundylyqtar jiyntyǵynyń kórsetkishi, ultyna, eline degen qatynasynyń ólshemi.
Meniń aitpaǵym, aǵaiyn, kimnen bolsa da, meili ol saiasatker bolsyn, meili aspaz bolsyn, ne depýtat bolsyn, qoldan pir jasaǵandy qoisaq.
Al solar úshin jaǵa jyrtysýdyń tipten qajeti shamaly. Syilańdar, syilamańdar, unatyńdar, unatpańdar, tek kókke kótermeńder.
Bul – jaqsy ádet emes. Talaidy pir sanadyq qoi, sodan ne boldy al? Esterińizde bolsyn, perishteler qara jerdi basyp júrmeidi. Olardyń mekeni basqa jaqta.
Al keshegi oqiǵaǵa qatysty aitar bolsam, shyr-pyr bolýǵa esh sebep joq. Adam óz oiyn aitty. Qajet bolsa, Dosym ózi-aq jaýap berer Aidosqa.
