"Ásel K.Roberts 2021 jyldyń 20 qańtarynan AQSh protokoly basshysynyń mindetin atqarýshy laýazymyna kiristi. Protokol basshysy keńsesinde 15 jyldan astam jumys tájiribesi bar ol sońǵy ýaqytta aǵa keńesshi qyzmetin atqarǵan edi", - delingen habarlamada.
Qazaq qyzy Djordjtaýn ýniversitetiniń Emmýnd Ýolsh atyndaǵy diplomatiialyq qyzmet mektebin támamdaǵan. Qazaq, orys jáne japon tilderinde sóileidi.
Aita ketsek, protokol basshysy – AQSh memlekettik departamentiniń laýazymdy tulǵasy. Onyń mindeti – AQSh prezidenti, vitse-prezidenti jáne memlekettik hatshysyna memlekettik jáne halyqaralyq diplomatiialyq protokol máseleleri boiynsha keńes berý.
Buǵan deiin Sputnik Qazaqstan portaly Ásel Tólenovanyń AQSh prezidenti ákimshiliginde basshylyq qyzmet atqaryp júrgenin jazǵan edi. Áleýmettik jelilerde onyń eks-prezident Barak Obamamen jáne jańadan sailanǵan prezident Djo Baidenmen túsken sýretteri tarady.
"Aǵaiyndar" jinaǵyna Ásel Tólenovanyń ómirbaiany engizilgen. Sonda kórsetilgendei, Ásel 1976 jyly Almatyda dúniege kelgen. Al 1993 jyly AQSh-tyń Djordjtaýn ýniversitetine oqýǵa túsip, halyqaralyq diplomatiia mamandyǵyn meńgerip shyqty. 1998 jyldan bastap AQSh memlekettik departamenti protokol basqarýshysynyń syrtqy qatynastar jónindegi orynbasary bolyp jumys istegen. 2014 jyly AQSh prezidenti protokoly basshysynyń orynbasary qyzmetine deiin kóterildi.
Factcheck.kz habarlaǵanyndai Barak Obamamen birge túsken fotonyń oń jaǵynda turǵan adamnyń aty-jóni – Shon Roberts. Ashyq aqparat kózderine súiensek, ol – Áseldiń kúieýi.
Shon Roberts Qazaqstan týraly jaqsy biledi. Sebebi ol 90-shy jyldardyń sońynda USAID baǵdarlamasy aiasynda Orta Aziia óńirinde jumys istegen. 2006 jyly ol Djordjtaýn ýniversitetine túsip, Ortalyq Aziiany zertteidi. Al onyń alǵashqy alǵan bilimi – orys tili jáne tarih. Qazirgi kezde ol Djordj Vashington ýniversitetiniń Halyqaralyq damýdy zertteý kafedrasynyń dotsenti jáne direktory bolyp jumys isteidi. Onyń zertteý jumystary kóbine Ortalyq Aziiaǵa, atap aitqanda Qytaidaǵy uiǵyrlardyń taǵdyryna negizdelgen. Onyń jaqynda ǵana «Uiǵyrlarǵa qarsy soǵys: Qytaidyń musylman azshylyǵyna qarsy ishki naýqany» atty kitaby shyqty. Kitap shyqqannan keiin ol tipti «Azattyqtyń» jergilikti redaktsiiasyna suhbat berdi.
