Kreml jaqtaǵy kúshter qazaq pen qyrǵyz ultyn arazdastyrýdy jańa deńgeıge kótermek, - dep habarlaıdy Dalanews.kz DALA INSIDE-qa siltep.
Kóshpendiler oıynynda oryn alǵan «kókpar daýynan» keıin soltústik kórshimizdiń saıası tehnologtary bolashaq Turan túrki odaǵyn boldyrmaýdyń bir quraly retinde qazaq pen qyrǵyz arasyndaǵy máńgi daý týdyratyn taqyryptardy tańdap, olardy úzdiksiz qaýzap otyrý maqsatynda botofermalar men affırlengen aqparat quraldaryn paıdalanýdy durys dep tapty.
«Kókpar, kok borýý, qazaq pen qyrǵyz bizdiki dep talasatyn ulttyq taǵamdar jáne Kenesary. Áleýmettik jelide birden júzdegen komentarıler týdyratyn osy daýly taqyryptar feısbýk toptar men ınstagram pablıkterde, tık-tok pen aqparat quraldaryna aragidik shyǵyp otyrmaq», - deıdi DALA INSIDE derekkózi.
Reseı Turan ıdeıasyna túpkilikti qarsy. Sebebi, óziniń yqpalynda otyrǵan Ortalyq Azıa memleketteri Ankaranyń geosaıası keńistigine aýysyp ketedi degen qorqynyshy basym. Odan bólek, óziniń quramyndaǵy Tatarstan men Bashqurtstan syndy túrki memleketteri Turanǵa qarap boı túzeı bastasa, federasıanyń ydyrap ketý qaýpi bar.
Osy aptada Almaty marafondaǵy qyrǵyz sportshysy Aınýska Qalılqyzynyń dıskvalıfıkasıa alyp, júldeden qaǵylǵandyǵy týraly taqyryp jan-jaqty qaýzalatyn bolady. «Qyrǵyz atleti ereje buzdy» degen narazylyq belarýs delegasıasynyń tarapynan kelse de, ony qazaq tóreshileri ádeıi jasady degen messedj «AkıPress», «Kaktýs Medıa» syndy resýrstarda keńinen jarıalanbaq. Al Rossotrýdnıchestvomen jumys isteıtin qazaqstandyq orystildi blogerler kerisinshe «qaıta-qaıta jylaı beredi» dep qyrǵyz ultyna til tıgize bastaýy tıis. Osylaısha qazaq pen qyrǵyz arasynda aldymen áleýmettik jelilerde qoǵamdyq shıelenisti ýshyqtyryp, artynan ony dıplomatıalyq salqyndyq deńgeıine deıin kóterý kózdelgen.
Sonymen qatar, shtaby Peterborda ornalasqan saıası tehnologtarǵa qazaq pen ózbek arasynda osyndaı bir daý týdyryp kórý múmkindigin qarastyrý usynyldy. Boks, basqa da taqyryptar potensıaly zerttelýde. Basty maqsat - Turan ıdeıasyn paýzaǵa qoıyp, Túrki elderi ujymyndaǵy qyzyp kele jatqan jumystyń berekesin ketirý. Sebebi, latyn tilindegi ortaq túrki álippesiniń resmı qabyldanýy, jáne basqa da jobalardyń belsendi júrýi Kremldiń mazasyn qashyryp otyr.
Reseı Turan Odaǵyn ydyrata ala ma? Eger túrki halyqtarynyń ishki birligi myqty bolsa ol jospary iske aspaıtyny anyq. Biraq Peterbordaǵy tehnologtar túbi bir ulttardy bir-birine qarsy qoıýǵa taptyrmaıtyn jalǵan popýlızm men psevdoultshyldyqty paıdalanýdy meńgerip aldy. Onymen biraz bastamanyń aıaǵyn shalyp otyrýǵa bolady.
