Qazaq Másimovti orysshyldyǵy úshin jaqtyrmaidy
Dariǵa sońǵy kezde birqatar saiasi tehnologiialyq qate jiberdi. Ol – orysjandy, Reseishil qairatker saiasi beinesi. Ol oilaidy: júrgen jerde qazaqqa orysshyl aqyl aitam, orysqa jaǵynam. Bara kele «orysshyl Dariǵany» qazaqtyń orysshyl elitasy men isteblishmenti jáne Resei basshylary prezidenttikte qoldaý kerek dep esepteidi ol. Al is júzinde qazaqtyń qoǵamdyq pikirinde «orysshyl- Dariǵa» degen imidj zaýaldy imidj ekenin ol oilamaǵan.
Másimovtyń qateligi soǵan jaqyn – ony uiǵyrlyǵy úshin qazaq jek kórip otyrǵan joq, orysshyldyǵy úshin jaqtyrmaidy, orysshyl uiǵyrlyǵy úshin qazaq ony jek kóredi. Egerde ol qazaqsha sóilep, qazaqqa jaǵatyn saiasat júrgizgen bolsa- ashyq túrde memlekettik tilge janashyrlyq kórsetse- qazaqqa odan jaqsy adam bolmaityn edi.Qazaq Belgerdi ne úshin jaqsy kórdi-ol ashyq qazaqshyl boldy.Ekeýine de (Dariǵa men Másimov) qazaqtyq ulttyq popýlizmi jetpeidi. Biraq Másimovke Belgerdiń rólin emes Tasmaǵambetovtyń rólin oinaý kerek edi, al Másimov Eset Isekeshevtiń,taǵy basqa orysshyl jigitterdiń rólin oinady. Bul qate imidj edi. Tasmaǵambetovty qazaqtyń basym kópshiligi jaqsy kóredi.
Tasmaǵambetovty ásirese qazaqtyń Batys ólke qazaqtary qoldaidy jáne búkil qazaqtyń ziialy qaýymy.Biraq Tasmaǵambetovtyń saiasi konkýrentteri eń ozyq úmitkerdi súrindirmei qoimaidy, sebebi ol Prezidenttikke potentsialdy urymtal kandidat. Tasmaǵambetovtyń osal jaǵy – onyń jaýlary Prezidentke tym jaqyn jáne olar tym kóp jalǵan aqparat berip otyrady.Tasmaǵambetovke ekinshi qaýyp – ol arnaiy provokatsiia, iaǵni belgili áreketke itermeleý jáne áshkereleý. Taǵy bir qaýyp: ol jemqor boldy dep aiyptaý. Jemqorlyqtyń bolýy ne bolmaýy mańyzdy emes, másele shynaiy aiyptaýda. Áskerde jemqorlyq kóp kezdesedi, sonyń birin Tasmaǵambetovke jabý. Keiin iri kólemde memlekettik qarjy qoldy bolypty dep aiyptaý bolýy yqtimal. Árine, osy tusta potentsialdy aiyptaý obektisi onyń kúieý balasy bolýy múmkún . Kim, qashan bilikke ashyq talasa bastaidy?
Ol kezeńdi «sýdbonosnyi god» i «chas iks»-kúmándi jyl men sheshýshi saǵat retinde baǵalaimyz. Sol tusta barlyq bas bilikke úmitkerler belgili áreket jasamaq. Ol qandai jaǵdaida bolý yqtimal? Prezident on bes kúnnen artyq aýyryp qiyn jaǵdaida bolsa nemese uzaq ýaqyt shetelde júrip ishki jaǵdaidy naqty qadaǵalai almasa bolady. Saiasi nemese áleýmettik tolqýlar bolsa - sherýler men jappai tártipsizdik jappai oryn alady, eger Ishki ister qyzmetkerimen Ishki áskerler qosyndary paralich jaǵdaiyna túsip qalsa. Syrttan eleýli shabýyl bolyp, jerimizdiń eleýli bóligi jaý astynda qalsa.
Sońǵy jaǵdai: Prezidenttiń densaýlyǵy syr berip nemese kezdeisoq tragiqalyq oqiǵa bola qalsa. Bul jaǵdailardy arnaiy qyzmettegi adamdar jaqsy qadaǵalaidy degen oidamyn.
Ázimbai Ǵali, saiasattanýshy
DEREKKÓZ: qamshy.kz
