Gıtlerdiń basty kinási ne?
1. Ol nemis ultyn ózgeden artyq sanap, búkil álemge solardyń bıligin ornatqysy keldi.
2. 1939 -1945 jyldar aralyǵynda Búkil dúnıe júzine qarsy agresıa júrgizdi. Soǵys bastaǵan Stalın emes Gıtler!
3. 1939 jyly 23-tamyzda Keńes Odaǵymen bir-birine qarsy shabýyl jasaspaý týraly Paktini opasyzdyqpen buzdy.
4. Álemdegi beıbitshilik isine qarsy orasan qastandyq jasady.
5. Áskerı qajettilikter bolmasa da úlken jáne shaǵyn qalalardy, eldi mekenderdi qıratty, órtedi. Turǵyndaryn bosqyndyqqa ushyratty.
6. Áskerı tutqyndardy adam aıtqysyz azaptarǵa saldy, sotsyz, tergeýsiz atyp, qyrdy. Okýpasıalanǵan aımaqtarda beıbit halyqty óltirip, qorqynysh pen úreı septi. Beıbit turǵyndardy quldyqqa saldy.
7. Nasıstik rejımge qarsy shyqqannyń bárin qýǵyn-súrginge ushyratty, azaptaýlarǵa jol berdi, sotsyz, tergeýsiz óltirdi. Munyń bári adamzatqa qarsy aýyr qylmys bolyp tabylady.
Fashıserdiń júzdegen konslagerlerinde mıllıondaǵan adamdar azapqa salyndy, krematorıı peshterinde órtelindi.
Núrenberg prosesinde AQSH tarapynan aıyptaý sózin sóılegen Robert Djekson: «Basqany bylaı qoıǵanda, Gıtler ózi bılik júrgizgen Germanıaǵa qarsy orasan qylmys jasady. Onyń isi aqymaqtyqpen para par edi, eshqandaı sebepsiz soǵys bastady da, ony utylyp jatqanyna qaramastan esh maǵynasyz jalǵastyra berdi. Bılik júrgizýge dármensiz qalǵanynda da "Germanıa taǵdyry ne bolsa sol bolsyn» degen ustanymda boldy», – dedi. Ol tipti óz otanyna da jany ashyǵan joq.
Gıtler tańǵan Ekinshi jahan soǵysy saldarynan búkil álemde 60 mıllıon adam qurban boldy.
Nasıster kósemi uryndyrǵan soǵystyń saldarynan Qazaq halqy kezekti demografıalyq apatqa ushyrady. Qazaqstannan 1,5 mıllıondaı adam soǵysqa qatysqan bolsa sodan jarty mıllıondaı ardaqtylarymyzdan aıyryldyq.
Osynshama qyrǵyn saldaryn kóre otyryp, Gıtlerdi kim jaqsy kórse sol maıdanda qaza tapqan jarty mıllıon qazaqtyń qanyn moınyna júktegen bolyp tabylady. Jalpy gıtlerızm - qazaq sanasyna jat!
Marat Toqashbaıdyń feısbýktegi paraqshasynan alyndy.
