Qazaq ǵalymy nanokapsýla oılap tapty

Dalanews 18 maý. 2015 02:09 131

Taıaýda «Ulttyq ǵylymı-tehnıkalyq aqparat ortalyǵy» AQ-y uıymdastyrǵan kórmege qazaqstandyq ǵalym Sáýle Gılmanova adamnyń aýyrǵan jerine qajetti dárini dál jetkizetin nanokapsýlasyn kópshilik nazaryna usyndy.

Otandyq ǵalymnyń krem jáne dáke túrinde daıyndalǵan nanokapsýlasyn dáriniń kez kelgen túrine qoldanýǵa bolady. Kólemi 100 nanometr bolatyn kapsýla teri men bulshyq etterdiń arasynan esh qıyndyqsyz ótip, adamnyń aýyrǵan jerine qajetti dárini dál jetkizetinimen erekshelenedi. Ǵalym nanokapsýla adamnyń aýyrǵan jerine dál barýyna aýyrǵan jerde temperatýranyń joǵary bolýy septigin tıgizetinin alǵa tartty. Ázirshe otandyq ǵalymnyń eńbegi medısına salasyna ene qoıǵan joq. Nanokapsýlany qoldanysqa shyǵarý úshin tıisti oryndardyń ruqsaty kerek. Sodan keıin ǵana krem jáne dáke túrindegi nanokapsýlalardy óndiristik deńgeıde kóptep shyǵarýǵa bolady. Ádette adamdar aýyrǵanda dári iship, organızmdegi aýyrýǵa shaldyqpaǵan ózge jasýshalardy zaqymdaıtyny belgili. Al S.Gılmanovanyń nanokapsýlasy dárini tek aýyrǵan jasýshalarǵa jetkizip, qalǵan jasýshalarǵa zıanyn tıgizbeıdi.

Usynylǵan
Nanotarazy
Nanotarazy 18 maý. 2015 02:01
Sońǵy jańalyqtar
x