Shyǵys Qazaqstan oblysynyń ákimi Ermek Kósherbaev frantsýz qazaq kinosy birlestiginiń prezidenti, Óskemen qalasynyń týmasy Andrei Ivanovpen kezdesti, dep habarlaidy Dalanews.Kz ShQO ákiminiń baspasóz qyzmetine silteme jasap.
Birlestik Eýropa elderinde qazaq filmderin aýdarý jáne nasihattaýmen ainalysady. Kezdesý barysynda mádeniet pen týrizmniń turaqty damý múmkindikteri qarastyryldy. Sonymen qatar óńirde kreativti indýstriialardy damytý ortalyǵynyń jumys baǵyttaryn talqylady.
- Men kino óndirisin damytýǵa jáne mádeniet salasyndaǵy halyqaralyq yntymaqtastyqty ornatýǵa úles qosqym keledi, - dedi Andrei Ivanov.
Óńir basshysy Shyǵys Qazaqstannyń kinoindýstriiasyn damytý jónindegi birqatar usynystardy qoldap, óńirdiń kórkem tabiǵaty jyldyń qai mezgilinde de kino túsirgenge laiyq ekeniń atap ótti.
Eske sala keteiik, biylǵy jyldyń sáýir aiynda Óskemende alǵash ret frantsýz kinofestivali ótip, onda oblys turǵyndary men qonaqtaryna oryssha sýbtitrleri bar túrli frantsýz filmderi kórsetildi. Sol shara arqyly kórermenderdi frantsýz tili, mádenieti, turmysy jáne kinolarymen tanystyrǵan. Shyǵarmashylyq adamdar úshin kino ózin-ózi kórsetýdiń eń mańyzdy zamanaýi nysandarynyń biri bolyp tabylady. Óńirde ulttyq mádenietke qyzyǵýshylyq tanytyp qana qoimai, túrli elderdiń shyǵarmashylyǵyna qushtar kino súier qaýym jyldan jylǵa artyp keledi.
