شىعىس قازاقستان وبلىسىنىڭ اكىمى ەرمەك كوشەربايەۆ فرانسۋز قازاق كينوسى بىرلەستىگىنىڭ پرەزيدەنتى، وسكەمەن قالاسىنىڭ تۋماسى اندرەي يۆانوۆپەن كەزدەستى، دەپ حابارلايدى Dalanews.Kz شقو اكىمىنىڭ باسپا ءسوز قىزمەتىنە سىلتەمە جاساپ.
بىرلەستىك ەۋروپا ەلدەرىندە قازاق فيلمدەرىن اۋدارۋ جانە ناسيحاتتاۋمەن اينالىسادى. كەزدەسۋ بارىسىندا مادەنيەت پەن ءتۋريزمنىڭ تۇراقتى دامۋ مۇمكىندىكتەرى قاراستىرىلدى. سونىمەن قاتار وڭىردە كرەاتيۆتى يندۋستريالاردى دامىتۋ ورتالىعىنىڭ جۇمىس باعىتتارىن تالقىلادى.
- مەن كينو ءوندىرىسىن دامىتۋعا جانە مادەنيەت سالاسىنداعى حالىقارالىق ىنتىماقتاستىقتى ورناتۋعا ۇلەس قوسقىم كەلەدى، - دەدى اندرەي يۆانوۆ.
ءوڭىر باسشىسى شىعىس قازاقستاننىڭ كينويندۋسترياسىن دامىتۋ جونىندەگى ءبىرقاتار ۇسىنىستاردى قولداپ، ءوڭىردىڭ كوركەم تابيعاتى جىلدىڭ قاي مەزگىلىندە دە كينو تۇسىرگەنگە لايىق ەكەنىڭ اتاپ ءوتتى.
ەسكە سالا كەتەيىك، بيىلعى جىلدىڭ ءساۋىر ايىندا وسكەمەندە العاش رەت فرانسۋز كينوفەستيۆالى ءوتىپ، وندا وبلىس تۇرعىندارى مەن قوناقتارىنا ورىسشا سۋبتيترلەرى بار ءتۇرلى فرانسۋز فيلمدەرى كورسەتىلدى. سول شارا ارقىلى كورەرمەندەردى فرانسۋز ءتىلى، مادەنيەتى، تۇرمىسى جانە كينولارىمەن تانىستىرعان. شىعارماشىلىق ادامدار ءۇشىن كينو ءوزىن-وزى كورسەتۋدىڭ ەڭ ماڭىزدى زاماناۋي نىساندارىنىڭ ءبىرى بولىپ تابىلادى. وڭىردە ۇلتتىق مادەنيەتكە قىزىعۋشىلىق تانىتىپ قانا قويماي، ءتۇرلى ەلدەردىڭ شىعارماشىلىعىنا قۇشتار كينو سۇيەر قاۋىم جىلدان جىلعا ارتىپ كەلەدى.
