Men – qazaqpyn. Siz de qazaqsyz. Ol da qazaq. Bárimiz qazaqpyz. Alaida biz ózimiz ardaqtaityn jeke bas qúndylyqtarymyzdy qazaqtyqtan joǵary qoiamyz. Al onyń bizdiń ulttyq tutastyǵymyzǵa keri áser etip jatqandyǵyna tipti bas ta qatyrmaimyz.
Bas qatyrmaityndyǵymyz sonsha, biz qazir álgi ózimiz áspetteitin jeke bas qundylyqtarymyzdy qoǵamdyq talqylaýǵa shyǵaryp, osy oraida óz múddelesterimiz shoǵyryn qalyptastyra bastadyq. Bul turǵyda oń nátije kórsete bastaǵandar "Endi osy oidy ári qarai qanattandyryp, partiia qursaq ta bolady-aý" degen de qiialǵa erik bere bastaidy. Jalpy osyndai arman jeteginde júrgen kúshter az emes.
Joǵaryda da aitqanymyzdai ol arman-tilekterdiń bári qazaq bolýdan ústem tur. Sonda ol qandai arman-tilekter? Sanamalap kóreiik. Birinshi – rýshyldyq, ekinshi – jershildik, úshinshi – dinshildik, tórtinshi – ultsyzdyq, besinshi... Osylai sanamalai berýge bolady.
Máselen men ne úshin ózge bir qazaqty onyń dini ustanymy menikimen úilespegendigi úshin nege jek kórýim kerek? Sebebi, bizdiń ol ustanymdarymyzdyń qai-qaisysy da qazaqtyqtan biik tur. Sondyqtan bizge eń áýeli qazaq bolý kerek. Sonda ǵana biz onyń jeke ustanymyna bas qatyrmaityn, ári sol ustanym boiynsha toptaspaityn bolamyz. Alaida qazaq bola salý ońai emes. Ol úshin... Siz ne usynar edińiz?
