Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Qazaq ánderi festivalin úzbei ótkizýge kúsh salamyz – Darhan Satybaldy

Dalanews
Qazaq ánderi festivalin úzbei ótkizýge kúsh salamyz – Darhan Satybaldy
Búgin Túrkistan qalasyndaǵy «Kongress holl» kópsalaly kesheninde Túrkistan oblysy ákimdiginiń qoldaýymen oblystyq mádeniet jáne týrizm basqarmasynyń uiymdastyrýymen  «Voice of Turan – 2023» halyqaralyq qazaq ánderi festivali bastaldy. Festivaldiń saltanatty ashylýyna Túrkistan  oblysynyń ákimi Darhan Satybaldy arnaiy qatysyp, qatysýshylarǵa sáttilik tiledi.

– Búgingi halyqaralyq deńgeidegi óner dodasynyń óńir rýhaniiatyn damytýǵa yqpaly zor dep esepteimin. Biyl Túrkistan oblysynyń qurylǵanyna 5 jyl tolyp otyr. Sol qysqa ýaqytta tarihi shahar damýdyń jańa belesine kóterildi.

Memleket basshysy Qasym-Jomart Kemeluly Túrkistanǵa erekshe mártebe berý tapsyrmasyn berdi. Osy baǵytta  jumystar júrip jatyr. Biz osyǵan laiyq jumys istep, mádeniet salasyn da kóterýimiz kerek.

Ótken aptada Túrki elderi uiymynyń sheshimimen Túrkistan  qalasy Túrki áleminiń  2024 jylǵy týristik astanasy bolyp tanyldy. Bul – biz úshin Túrkistannyń tarihyn, rýhaniiatyn odan ári tanytýǵa, týrister arqyly álemge nasihattaýǵa tamasha múmkindik.



Týrizmmen birge mádeniet salasy damýy tiis. Osy baǵytta jumys júrýde. «Kongress-holl» ujymyna 100 shtat bólinip, elimizdiń túkpir-túkpirinen myqty ónerpazdar qabyldandy. Olar Túrkistan mádenietin, ónerin kóterýge eńbek etedi. «Voice of Turan – 2023» halyqaralyq qazaq ánderi festivalin dástúrli túrde ótkizýge kúsh salamyz. Jyl saiyn aiasy keńeie beredi degen senimdemin. Qazaq áni álemdik sahnalarda shyrqala bersin! – dedi Darhan Satybaldy.


Túrkistanda biyl tórtinshi ret uiymdastyrylyp otyrǵan án baiqaýyna Túrkiia, Ózbekstan, Qyrǵyzstan, Tatarstan, Bashqurtstan, Ázerbaijan, Polsha, Belarýs, Moldova, Grýziia, Býriatiia, Kýba, Bolgariia, Portýgaliia, Ispaniia elderinen 18-35 jas aralyǵyndaǵy estradalyq janrdaǵy oryndaýshylar, úlken kontserttik qoiylymdarda tájiribesi bar, halyqaralyq án baiqaýlarynda jetistikke jetken úmitkerler qatysyp jatyr. Baiqaý shartyna sáikes birinshi kúni qazaq óneriniń sheberlerimen birge dýet oryndady. Eýropa men Aziia ánshileri halqymyzdyń ánderin tamyljyta shyrqady.

Al ekinshi kúni óz tańdaýyndaǵy qazaq ánin shyrqap, baqtaryn synamaq.

Jobanyń bas prodiýseri – Meiirjan Aliakbarov. Júirikterdi Tólegen Muhamedjanov,  Sáken Maiǵaziev, Marjan Arapbaeva, Móldir Áýelbekova,  Nurjamal Úsenbaeva, Altynai Jorabaeva, Madina Sádýaqasova, Ardaq  Balajanova, Qalqaman Sarin, Nurǵisa Dáýeshov, Marhaba Sábi syndy shyǵarmashylyq intelligentsiia ókilderi, tanymal oryndaýshylar, kompozitorlar men prodiýserler bar kásibi qazylar alqasy  anyqtaidy. Kesh qonaqtary – Qazybek Quraiysh, Gúlnur Orazymbetova, «MeloMEN» toby, Aizada Álimbek, «TURAN BOYS» toby, Aiajan Nurmahanbetova. Jeńimpazdarǵa Gran-pri, I, II, III dárejeli diplomdar, sondai-aq arnaiy júldeler men yntalandyrý syilyqtary beriledi.

Aita keteiik, Túrkistan oblysynyń 5 jyldyǵyna jáne Respýblika kúnine arnalǵan festival maqsaty – tól mýzykany, qazaqstandyq avtorlardyń úzdik shyǵarmalaryn, qazaq tilin nasihattaý. Án arqyly álemge halqymyzdyń mýzyka mádenietiniń san alýandylyǵyn pash etý. Uly Dala elinde týyndaǵan shyǵarmalarda aiqyn saqtalǵan mýzykalyq erekshelikterdi kórsetý. Túrki álimniń rýhani astanasy – kieli Túrkistandy nasihattaý.
túrkistan Sáken Maiǵaziev Qalqaman Sarin Altynai Jorabaeva Móldir Áýelbekova Darhan Satybaldy Marjan Arapbaeva Nurjamal Úsenbaeva Nurǵisa Dáýeshov Kongress Holl Voice of Turan – 2023 dýet Meiirjan Aliakbarov. Júirikterdi Tólegen Muhamedjanov Madina Sádýaqasova Ardaq  Balajanova Marhaba Sábi MeloMEN TURAN BOYS

Oqi otyryńyz