Qyzylorda oblysynyń ákimi Nurlybek Nálibaev, oblys prokýrory Rizabek Ojarov, ziialy qaýym ókilderi men ardagerler Qazaly aýdany Bekarystan bi aýylyndaǵy dene shynyqtyrý-saýyqtyrý kesheniniń ashylý rásimine qatysty, dep habarlaidy Dalanews.kz
Saltanatty jiynda aimaq basshysy sport salasyn órkendetýde, jurtshylyqty salaýatty ómir saltyna yntalandyrýda atqarylǵan jumystarǵa toqtaldy.
«Keshe ǵana Syr eliniń bas shaharynda ótken quryltai otyrysynda el tarihyna altyn árippen jazylatyn, keleshek urpaq aita júretin mańyzdy sheshimder qabyldandy. Bul sheshimder elimizdiń saiasi, áleýmettik, jáne ekonomikalyq damýyna serpin berip, halqymyzdyń bolashaqqa degen senimin arttyryp, ult birligin nyǵaitýda mańyzdy qadam bolatyny sózsiz.
Memleket basshymyzdyń erekshe qoldaýy barshamyzdy jańa jetistikterge jeteleidi, eselengen jaýapkershilik júkteidi. Prezidentimizdiń aýyldy damytý, aimaqtardyń áleýetin arttyrý, turǵyndardyń ómir sapasyn jaqsartý, olardy eldegi saiasi-ekonomikalyq protsesterge belsene qatystyrý jónindegi bastamalary strategiialyq mańyzǵa ie. Aimaǵymyzda turǵyndardyń buqaralyq, kásibi sportpen shuǵyldanýyna barlyq jaǵdai jasalýda.
2022 jyldan beri 24 sport nysany, atap aitqanda, Ortalyq stadion, Tennis, Inkliýzivti sport ortalyqtary, 21 sport kesheni salyndy. Biyl «Aýyl – el besigi» baǵdarlamasy aiasynda eldi mekenderde taǵy 4 sport kesheni ashylady. Mine, búgin 429 mln. teńgege boi kótergen sol keshenniń birin Ózderińizben birge el igiligine tabystaimyz. Aýyl sportyn odan ári damytýǵa baǵyttalǵan jańa nysan barshańyzǵa qutty bolǵai!», - dedi N.Nálibaev.
Rásimde aýdannyń áleýmettik-ekonomikalyq damýyna úles qosqan aǵa býyn men sala qyzmetkerleri, ǵimaratty sapaly etip salǵan merdiger mekeme ókilderi oblys ákiminiń Alǵys hatymen marapattaldy. Eńbek ardageri Bolat Sádýov bata berdi.
Memleket basshysy aimaqtarda sport infraqurylymyn damytyp, stadiondar men sport keshenderin salýdy tapsyrǵany belgili.
Búginde oblys ortalyǵyndaǵy iri jobalardyń biri - aýmaǵy 25 myń sharshy metr bolatyn «Qyzylorda Arena» kópbeiindi sport kesheniniń qurylysy. «Samuryq Qazyna Trast» qorymen birlesip «Tennis ortalyǵy», 11 myń oryndyq jańa stadion, balalar men jasóspirimderge arnalǵan «Syr juldyzdary» shyǵarmashylyq-innovatsiialyq akademiiasy, «Qazaqstan halqyna» qorynyń qoldaýymen Shieli, Jalaǵash aýdandarynda jańa sport keshenderi, Inkliýzivti sport ortalyǵy el igiligine tabystaldy. Qazaqstan fýtbol federatsiiasynyń qoldaýymen Qyzylorda qalasyndaǵy Ǵ.Muratbaev atyndaǵy stadionnyń qosalqy alańy men Jalaǵash aýdanynyń ortalyq stadiony kúrdeli jóndeýden ótti. Jergilikti kásipkerlerdiń demeýshiligimen ornatylǵan 80 sport-oiyn alańy el igiligine qyzmet etýde.
