Qaitarylǵan aktivter týraly tyń aqparattar shyqty. Qaitarylǵan zańsyz aktivterdi basqarý kompaniiasy aýktsionynyń memlekettik múlik saitynda zergerlik buiymdar men liýks zattar lottaryn jariialady. Bul tizimdegi zattardyń quny - million teńge, al olar oligarhtar men jemqorlardan tárkilengen. Bul týraly Orda.kz materialynda aitylǵan, - dep habarlaidy Dalanews.kz.
Basylym málimetinshe, kompaniianyń saitynda keibir qymbat zergerlik buiymdardyń satylymǵa qoiylǵan lottary paida boldy. Al elektron saýda saitynda barlyq baǵaly zatqa baǵa berý esebi jariialandy.
"Baǵasy 230 myń teńge turatyn Louis Vuitton Paris áielder sómkesi. Baǵasy 100 mln teńgege jýyq baǵalanǵan gaýhar jáne sapfir tastary bar saqina men syrǵa jiyntyǵy bar", - dep jazylǵan derekte.
Orda.kz
Onda liýks saǵat brendterin de baiqaýǵa bolady: Breguet, Franck Muller Geneve jáne Ulysse Nardin. Eń qymbat lot — Ulysse Nardin Classic 789–80 qol saǵaty, baǵasy tańǵajaiyp 214 mln teńge. Bul saǵattar buryn qoldanylǵanyn eskere ketý kerek.
Orda.kz
Gaýhar tastarmen kómkerilgen áielderge arnalǵan Breguet 3099 BE qol saǵaty da bar. Olardyń baǵasy - 15 mln teńge.
Frank Muller Geneve saǵaty 18 karattyq qyzǵylt altynnan jasalǵan jáne sapfir shynymen jabylǵan. Tsiferblat rýbindermen, sapfirlarmen jáne tsavorittermen inkrýstatsiialanǵan, saǵat tilderi rýbinnen jasalǵan. Korpýstaǵy syzattarǵa jáne búlingen baýyna qaramastan, olardyń baǵasy 29,2 mln teńge dep kórsetilgen.
Orda.kz
Onda Ulttyq banktiń kollektsiialyq monetalary da bar. Ártúrli toǵyz seriiadaǵy 15 moneta, jalpy quny birneshe million teńge turady.
Aita keteiik, zańsyz aktivterdi basqaratyn kompaniia 2024 jyldyń 1 qazanyndaǵy málimet boiynsha 5,7 milliard teńgege aktivterdi satqan, onyń ishinde 4,4 milliard teńge sheteldik aktivterdi satýdan túsken.
Bul sharalar tek aktivterdi qaitarýmen shektelmei, olardyń qoǵam igiligine jaratýdy qamtamasyz etý arqyly halyqtyń senimin arttyrýdy kózdeidi.
