Qaıtarylǵan aktıvter esebinen Jambyl oblysynda dárigerlik ambýlatorıalardyń qurylysy bastaldy, – dep habarlaıdy Dalanews.kz.

Úkimet Jambyl oblysynyń Qordaı jáne Talas aýdandarynda eki dárigerlik ambýlatorıanyń qurylys jumystaryn aıaqtaýǵa arnaýly memlekettik qordan 319,5 mln teńge bólý týraly sheshim qabyldady. Onda táýligine 45 kelýshige qyzmet kórsetiledi. 

Nysandar "Aýylda densaýlyq saqtaýdy jańǵyrtý" baǵdarlamasy aıasynda salynyp jatyr. Baǵdarlama boıynsha óńirde 30 nysan josparlanǵan, onyń 28-i paıdalanýǵa berildi. Qalǵan ekeýi bıyl tapsyrylady.

Ulttyq joba sheńberinde Qazaqstanda 655 jańa mekeme, medısınalyq jáne feldsherlik-akýsherlik pýnktter, dárigerlik ambýlatorıalar qurylysy josparlanyp otyr. Qazirgi ýaqytta 468 nysanda jumys aıaqtaldy.

Alǵashqy medısınalyq-sanıtarıalyq kómek kórsetý mekemelerin salýǵa jáne aýrýhanalardy rekonstrýksıalaýǵa qarajat respýblıkalyq búdjetten bólinedi. Sonymen qatar, arnaýly memlekettik qor esebinen bólinedi.