Almatydaǵy qonaqúidi satyp alý-satý týraly mámileni Qairat Satybaldy Astana qalasynyń tergeý izoliatorynda jasaǵany belgili boldy, dep habarlaidy Dalanews.kz Ulysmedia.kz-ke siltep.
Astanada ótken baspasóz máslihatynda jeke kompaniia basshysy Asqar Óteshov Almatydaǵy qonaqúidi reiderlerdiń basyp alýy týraly aitty.
"Jańa Qazaqstanda 20 jyl buryn jasalǵan qylmystarǵa tosqaýyl qoiýymyz qajet. 2018 jyly JShS (Óteshov usynǵan tulǵanyń kompaniiasy) Almaty qalasyndaǵy qonaq úi kesheniniń qurylysyn aiaqtaý úshin bankten (Kapital bank) nesie aldy. Qurylys aiaqtalǵannan keiin JShS nesieni tolyǵymen qaitardy. Ókinishke qarai, bank keiinge qaldyrý quqyǵyn bermei, nesieni tolyq óteýdi talap etti. Osydan keiin bank isti kollektorlyq agenttikke berip, kelisim jasaidy. Osy jerde qaidan ekenin belgisiz "Qazaeronavigatsiia" mekemesi paida bolady. Memlekettik kásiporyn 14 milliardqa jýyq biýdjet qarajatyn bank shottaryna ornalastyrǵany belgili boldy. Banktegi jaǵdai nasharlai bastaǵan soń, kompaniia basshysy aqshany qaitaryp berýdi suraǵan. Aqsha qaitarylmaǵan.
Qylmysty jasyrý úshin bank shart jasasyp, ony azamattyq-quqyqtyq mámile retinde jasyrady. Kollektorlar aýktsiondar jariialaidy. Olar jaramsyz dep tanylady. Sodan keiin ol kompaniianyń múlkin qaýipsiz túrde óz menshigine alady. Bir aidan keiin Qairat Satybaldyǵa qarasty kompaniiaǵa satady. Osydan keiin 2021 jyldyń jeltoqsan aiynda Satybaldy qonaqúige birneshe adammen kelip, qonaqúidi qorshap alady. Direktorǵa baryp, ortalyq serverlerdi óshiredi. Osydan keiin ǵimaratty tintý bastalady. Ol bar daýysymen "bul bizdiń kafe, bul bizdiń bar" dep aitady. Al qonaqúi qyzmetkerlerine: qalai jumys istep kelseńder, solai jumystaryńdy jalǵastyryńdar. Qonaqúidiń tek iesi aýysady dep eskertedi", - dedi Óteshov.
Sodan keiin AFM-ge reiderlerdi basyp alý týraly málimdeme jazyldy. 2022 jyly qylmystyq is qozǵaldy.
"Bul jaǵdai 11 ai boiy tekserildi. Osy ýaqyt ishinde meniń klientim jábirlenýshi retinde tanyldy. Qonaq úi 11 milliardqa baǵalanady. Kollektor buǵan deiin 5 milliardqa, al bank 9 milliardqa baǵalaǵan.
Tergeý barysynda múlikke tyiym salý týraly ótinish berildi. Nátijesinde Almaty politsiia departamentiniń tergeýshisi jyljymaly jáne jyljymaityn múlikke qatysty barlyq operatsiiany toqtatý týraly qaýly shyǵardy. Biraz ýaqyttan keiin tergeýshiniń sheshiminiń kúshin joiý týraly hat keledi.
Osy oqiǵadan keiin Qairat Satybaldy "Qazaqtelekom" isi boiynsha urlyq jasaǵany úshin sottalady. Ol kezde úkim zańdy kúshine engen bolatyn. Satybaldy Astanadaǵy tergeý izoliatorynda bolǵan. Onyń ústine bir kúni tergeý izoliatoryna notariýs kelip, Satybaldy men onyń senimdi ókilderine mámile jasaý quqyǵyn beretin senimhatty kýálandyrady. Sodan keiin Satybaldy qonaqúidi satyp alyp, keiin ony memleketke syiǵa tartatyn kelisim-shart jasalady. Úkim zańdy kúshine engen kezde tergeýshiler múlikti, sonyń ishinde qonaqúidi tárkileýge beredi. Satybaldy "qonaqúidiń zańdy iesi" atanyp, ony memleketke tabystaidy", - dedi Óteshov.
Aita keteiik, ótken jyly Qairat Satybaldy qamaýda otyrǵanda sándi qonaqúi satyp alǵany belgili boldy. Keiinirek Antikor jaǵdaiǵa qatysty pikir bildirdi.
