– Qairat Satybaldyulyna bailanysty agenttik qylmystyq jolmen alynǵan aktivterdi jylystatý faktisi boiynsha qylmystyq kodekstiń 218-baby 3-bóligi boiynsha sotqa deiingi aiaqtap, sotqa jiberdi, – deidi antikordyń resmi ókili.
Onyń sózinshe, Qairat Satybaldyulynyń qylmystyq jolmen alynǵan qarajatqa jáne zańsyz aqshadan túsken paidaǵa túrli múlikti (onyń ishinde shetelde satyp alǵan), onyń ishind aqshany Qazaqstan jáne sheteldegi bank shottaryna salǵan. Sondai-aq, ekinshi faktige bailanysty salyq tóleýden jaltarý boiynsha sotqa deiinshi tergeý júrgizilip jatyr.
Esterińizge sala keteiik, Qairat Satybaldy 2022 jyldyń naýryz aiynda «Qazaqtelekom» AQ-nyń laýazymdyq ókilettikterin asyra paidalandy jáne qarajatyn asa iri mólsherde jymqyrdy degen kúdikpen ustalǵan bolatyn.
Áý basta tuńǵysh prezidenttiń jienin tutqyndaý kezinde onyń basqa qylmystarǵa da qatysy bolýy múmkin ekeni aitylǵan-dy. Antikor sotqa deiingi tergeýdi byltyr tamyz aiynda aiaqtady. Vedomstvo ókilderi «tergeý barysynda memleketke jalpy somasy 240 milliard teńgeden asatyn nemese 500 million AQSh dollarynan asatyn zańsyz satyp alynǵan aktivter men aqshalai qarajat qaitaryldy», – dep málimdedi.
Budan bólek, Satybaldy «salyqtar men kedendik tólemderden jaltarý, qylmystyq kiristerdi zańdastyrý faktileri boiynsha» qosymsha tergelip jatqany habarlandy.
Al 2022 jyldyń qyrkúieginde Astanadaǵy Baiqońyr aýdanynyń soty úkimdi jariialady. Qairat Satybaldy qylmystyq istiń taǵy tórt figýranty – OKQ direktorlar keńesiniń tóraǵasy Marat Muhamedjanulymen, OKQ prezidenti Gaini Beketovpen, «Qazaqtelekom»AQ korporativtik biznes direktory Leonid Mýravevpen jáne sportshy Shyńǵys Qonarbaevpen birge eki kompaniiaǵa – «Qazaqtelekom» AQ jáne «Kólik qyzmet kórsetý ortalyǵy» AQ-ǵa urlyq jasady jáne múliktik ziian keltirdi degen aiyppen kináli dep tanyldy.
Sot sottalýshylarǵa «Kólik qyzmet kórsetý ortalyǵy» kompaniiasynan 28 milliard teńgeden astam qarajat urlady jáne «Qazaqtelekom» kompaniiasyna 12 milliard teńgeden astam mólsherinde materialdyq zalal keltirdi degen aiypty dáleldedi.
Satybaldy alty jylǵa bas bostandyǵynan aiyryldy, múlki tárkilendi. Prezidentke onyń memlekettik nagradalary men UQK general-maiory ataǵynan aiyrý týraly usynyldy. Sondai-aq 10 jyl boiy memlekettik qyzmette qyzmet atqarýǵa tyiym salyndy. Bul istiń qalǵan qatysýshylary shartty merzimge sottaldy. Beketov pen Muhamedjanuly 6 jyl, Mýravev pen Qonarbaev 2,5 jyl «arqalady».
