Qairat Nurtas: «Halqym qinalsa qarap qalmaimyn»
– Iá, men ánshimin. Bul meniń bala-shaǵamdy asyrap otyrǵan jumysym. Osy ýaqytqa deiin eshkimniń jaǵyna shyqqan adam emespin, sebebi xalyqtyń tynyshtyǵy men úshin eń mańyzdysy.
Alaida sońǵy jańalyqtarǵa bailanysty aitarym, xalqym qinalsa qarap qalmaimyn. Óitkeni meni kótergen xalyq!
Elimde bolyp jatqan jaittarǵa júregim aýyrǵannan, bei-jai qarap, únsiz otyra almaimyn. Biraq 1986 jylǵy oqiǵanyń, qazaǵymnyń qany tógilgenin de qalamaimyn. Qudai sabyr bersin! – deidi ol.
Óz kezeginde Qairat Nurtas bilikke halyqtyń áleýmettik muń-muqtajyn qulaq asatyn kez kelgenin de eskertti.
– Biliktegilerge xalyqtyń muń-muqtajyn estitin kez keldi. Qazaqstan Konstitýtsiiasyna sáikes memlekettiń eń birinshi bailyǵy ol – halyq. Halyqqa qarsy shyǵý ol Allaǵa qarsy shyǵýmen teń. Osy oraida úkimetten barlyq jan aiqaiyn jetkizip qamalǵan baýyrlarymdy, halyqty bosatýyńyzdy suraimyn!
Bul dúniede barlyq nárse Allanyń qalaýymen bolatynynda esten shyǵarmaǵanymyz abzal! Allanyń óz esebi bar shyǵar... Búlik shyqqan memleketterdiń de ońǵanyn kórmedim. «Ashý dushpan, aqyl dos» demekshi, barlyǵyna basqasha qaraiyq. Qudai qaiyryn bersin! Elimiz tynysh, jurtymyz aman bolsyn! Men Sizderdi jaqsy kóremin, – dep ánshi áleýmettik jelidegi paraqshasyna jazba qaldyrypty.
https://www.instagram.com/p/Byj02EWJ1x1/?utm_source=ig_embed
