پرەزيدەنتتىك سايلاۋدان كەيىن شەرۋگە شىققان حالىق ونەر ادامدارىن ىزدەي باستاعان بولاتىن. بۇگىن بەلگىلى ءانشى قايرات نۇرتاس شەرۋ كەزىندە قولعا تۇسكەندەردى بوساتۋ كەرەك ەكەنىن الەۋمەتتىك جەلىدە ايتتى.

– ءيا، مەن ءانشىمىن. بۇل مەنىڭ بالا-شاعامدى اسىراپ وتىرعان جۇمىسىم. وسى ۋاقىتقا دەيىن ەشكىمنىڭ جاعىنا شىققان ادام ەمەسپىن، سەبەبى xالىقتىڭ تىنىشتىعى مەن ءۇشىن ەڭ ماڭىزدىسى.

الايدا سوڭعى جاڭالىقتارعا بايلانىستى ايتارىم، xالقىم قينالسا قاراپ قالمايمىن. ويتكەنى مەنى كوتەرگەن xالىق!

ەلىمدە بولىپ جاتقان جايتتارعا جۇرەگىم اۋىرعاننان، بەي-جاي قاراپ، ءۇنسىز وتىرا المايمىن. ءبىراق 1986 جىلعى وقيعانىڭ، قازاعىمنىڭ قانى توگىلگەنىن دە قالامايمىن. قۇداي سابىر بەرسىن! – دەيدى ول.

ءوز كەزەگىندە قايرات نۇرتاس بيلىككە حالىقتىڭ الەۋمەتتىك مۇڭ-مۇقتاجىن قۇلاق اساتىن كەز كەلگەنىن دە ەسكەرتتى.

– بيلىكتەگىلەرگە xالىقتىڭ مۇڭ-مۇقتاجىن ەستيتىن كەز كەلدى. قازاقستان  كونستيتۋسياسىنا سايكەس مەملەكەتتىڭ ەڭ ءبىرىنشى بايلىعى ول – حالىق. حالىققا قارسى شىعۋ ول اللاعا قارسى شىعۋمەن تەڭ. وسى ورايدا ۇكىمەتتەن بارلىق جان ايقايىن جەتكىزىپ قامالعان باۋىرلارىمدى، حالىقتى بوساتۋىڭىزدى سۇرايمىن!

بۇل دۇنيەدە بارلىق نارسە اللانىڭ قالاۋىمەن بولاتىنىندا ەستەن شىعارماعانىمىز ابزال! اللانىڭ ءوز ەسەبى بار شىعار... بۇلىك شىققان مەملەكەتتەردىڭ دە وڭعانىن كورمەدىم. «اشۋ دۇشپان، اقىل دوس» دەمەكشى، بارلىعىنا باسقاشا قارايىق. قۇداي قايىرىن بەرسىن! ەلىمىز تىنىش، جۇرتىمىز امان بولسىن! مەن سىزدەردى جاقسى كورەمىن، – دەپ ءانشى الەۋمەتتىك جەلىدەگى پاراقشاسىنا جازبا قالدىرىپتى.

 

https://www.instagram.com/p/Byj02EWJ1x1/؟utm_source=ig_embed