Elimizdiń eleýli, qalaýly ánshisine aınalǵan Qaırat Nurtasty bireýler synaıdy, endi bireýler ol úshin jylaıdy. Dese de, jigerli jigit synnan sabaq alǵan syńaıly. Bir mınýtyn da bos ótkizbeı óner ıesi taǵy da kıno túsirip jatyr. Alaıda bul joly fılm burynǵysynan ózgeshe bolmaq.
– Qaırattyń qupıasy» degen jeke ózimniń fılmime daıyndyq ústindemiz. Bul jerde meniń ózimniń qupıamdy halyqqa ashýdy jón kórip otyrmyn. Bar bolǵany osy. Mende akter bolyp ketemin degen oı joq. Men árdaıym ánshi bolyp qala beremin, – deıdi Qaırat Nurtas.
Sońǵy ýaqytta Qaırat myrza júregindegi jarasyn ánmen emes, kıno arqyly kórsetýdi ádetke aınaldyrǵan syńaıly. Bul týyndy keı kórermen úshin gollıvýdtyq týyndydan asyp túspek. Sebebi, týyndyda ánshiniń jeke ómiri týraly baıandalýy múmkin. «Fılmniń ne týraly bolatynyn ázirge aıta almaımyn. Óıtkeni, kórermenge qyzyq bolmaı qalýy múmkin. Ázirge qupıa bolyp qala bersin. Qazan aıynda, Alla qalasa, fılmniń túsirilim jumystaryna kirisemiz», – deıdi ánshi.
Esterińizge sala ketsek, birneshe aı buryn Sıvı Mahmudı Qaırat Nurtastyń bul fılmine áıeli men onyń tórt balasynyń túsetinin aıtyp qalǵan-dy. Dese de, Qaırat Nurtas bul aqparatty rastaýdan bas tartty.
Derekkózi: kaz.caravan.kz
