قايرات نۇرتاس حالىققا قۇپيياسىن اشۋدى جٶن كٶرٸپتٸ
ەلٸمٸزدٸڭ ەلەۋلٸ, قالاۋلى ەنشٸسٸنە اينالعان قايرات نۇرتاستى بٸرەۋلەر سىنايدى, ەندٸ بٸرەۋلەر ول ٷشٸن جىلايدى. دەسە دە, جٸگەرلٸ جٸگٸت سىننان ساباق العان سىڭايلى. بٸر مينۋتىن دا بوس ٶتكٸزبەي ٶنەر يەسٸ تاعى دا كينو تٷسٸرٸپ جاتىر. الايدا بۇل جولى فيلم بۇرىنعىسىنان ٶزگەشە بولماق.
– قايراتتىڭ قۇپيياسى» دەگەن جەكە ٶزٸمنٸڭ فيلمٸمە دايىندىق ٷستٸندەمٸز. بۇل جەردە مەنٸڭ ٶزٸمنٸڭ قۇپييامدى حالىققا اشۋدى جٶن كٶرٸپ وتىرمىن. بار بولعانى وسى. مەندە اكتەر بولىپ كەتەمٸن دەگەن وي جوق. مەن ەردايىم ەنشٸ بولىپ قالا بەرەمٸن, – دەيدٸ قايرات نۇرتاس.
سوڭعى ۋاقىتتا قايرات مىرزا جٷرەگٸندەگٸ جاراسىن ەنمەن ەمەس, كينو ارقىلى كٶرسەتۋدٸ ەدەتكە اينالدىرعان سىڭايلى. بۇل تۋىندى كەي كٶرەرمەن ٷشٸن گولليۆۋدتىق تۋىندىدان اسىپ تٷسپەك. سەبەبٸ, تۋىندىدا ەنشٸنٸڭ جەكە ٶمٸرٸ تۋرالى باياندالۋى مٷمكٸن. «فيلمنٸڭ نە تۋرالى بولاتىنىن ەزٸرگە ايتا المايمىن. ٶيتكەنٸ, كٶرەرمەنگە قىزىق بولماي قالۋى مٷمكٸن. ەزٸرگە قۇپييا بولىپ قالا بەرسٸن. قازان ايىندا, اللا قالاسا, فيلمنٸڭ تٷسٸرٸلٸم جۇمىستارىنا كٸرٸسەمٸز», – دەيدٸ ەنشٸ.
ەستەرٸڭٸزگە سالا كەتسەك, بٸرنەشە اي بۇرىن سيۆي ماحمۇدي قايرات نۇرتاستىڭ بۇل فيلمٸنە ەيەلٸ مەن ونىڭ تٶرت بالاسىنىڭ تٷسەتٸنٸن ايتىپ قالعان-دى. دەسە دە, قايرات نۇرتاس بۇل اقپاراتتى راستاۋدان باس تارتتى.
دەرەككٶزٸ: kaz.caravan.kz
