Belgili kásipker Qairat Boranbaev Reseidegi “Vkýsno – i tochka” meiramhanasynyń 104 jelisine ielik etedi. Bul týraly ol Armanjan Baitasovqa bergen suhbatynda aitty, dep habarlaidy Dalanews.kz.
Boranbaevtyń sózinshe, 2025 jyly jeli aiasynda taǵy 16 jańa meiramhana ashý josparlanyp otyr.
"McDonald’s brendimen jumys istegen kezdegi barlyq infraqurylym, qyzmetkerler jáne basqarý standarttary tolyq saqtalǵan. Endi qaitadan belsendi damýǵa daiynbyz", – dedi ol.
Qairat Boranbaev McDonald’s franchaizingi arqyly fastfýd naryǵyna kirip, keiin Resei men Qazaqstandaǵy eń iri oiynshylardyń birine ainaldy. Kásipkerdiń aitýynsha, jeli tolyqqandy jumys rejimin qalpyna keltirip, burynǵy qyzmet sapasyn saqtap otyr.
"Keiingi jyldary damý qarqyny baiaýlaǵan edi, biraq endi qaita keńeiýdi bastaimyz. 2025 jyly Reseide 16 jańa meiramhana ashýdy josparlap otyrmyz", – dedi Boranbaev.
Aita keteiik, Qairat Boranbaev – eldiń eń yqpaldy kásipkerleriniń biri. 2016 jyly ol Astanada alǵashqy McDonald’s meiramhanasyn ashyp, Qazaqstandaǵy halyqaralyq fastfýd dáýirin bastady. Keiin brend elden ketken soń, jeli "I’m" degen jańa ataýmen qaita iske qosyldy.
Sonymen qatar kásipker "Qairat" fýtbol klýbynyń iesi jáne qazirgi zamanǵy "Tselinnyi" mádeniet ortalyǵynyń negizin qalaýshy. Ol mádeni jáne sporttyq jobalarǵa turaqty túrde investitsiia salyp keledi.
