Keshe bir tanysym «Qaireke siz oppozitsiǵa ótip ketipsiz ǵoi» deidi. Endi biri «siz saiasatqa kettińiz be?» deidi. Men saiasatker emespin. Meshittiń minberinde, shákirtterge dáris ústinde saiasat týraly sóz aitpaimyn. Dindi saiasatqa aralastyrmaimyn. Meshitte bilikti maqtap ta, dattap ta aitqan emespin.
Meshitti saiasi minbege, daý-damaiǵa aralastyrýǵa bolmaidy. Meshitke ártúrli saiasi kózqarastaǵy adamdar keledi. Sondyqtan ol jerde ortaq qundylyqtar ǵana aitylýy kerek. Bul meniń ustanymym.
Biraq basqa ýaqytta ádildikti suraý, qatelikti kórsetý árbir ultyn, elin, memleketin súietin adamnyń paryzy. Abai «Jáne haq joly osy dep ádiletti» dep ádildikti súiýdi úsh imani gúldiń negizine jatqyzǵan.
Ǵalym-akademikterimiz, aqyn-jazýshylarymyz, juldyz ánshilerimiz, uiyqtap otyrǵan depýtattarymyz madaqty qoiyp bilik basyndaǵylardyń qateligin kórsetip, ádiletsizdikterdi ashyq aita bilgende kóptegen keleńsiz jaittardyń aldyn alýǵa bolady.
Búgingi qazaq eli basqa deńgeide bolar edi. Azamattyq pikirin bildirgen adamdardy memleketshil nemese oppozitsioner dep bólý durys pa?
Dámetken mansaby, tenderli biznesi, án aitatyn sahnań úshin ne aitsa da «lábbailap» bas shulǵyp, reti kelsin kelmesin «elbasylap» tursań memleketshil jaqsy azamatsyń.
Al kópekórneý jasalyp jatqan ádiletsizdikti aityp, halyqtyń qazynasyn tonnalap tonap jatqandarǵa qarsy shyǵyp, pikir bildirseń, búlikshil oppozitsionersiń nemese haip qýǵan popýlistsiń. Bul qandai qisyq qisyn?!
Qatelikti aityp, jamanshylyqty jariia etý arqyly onyń aldyn alý jáne qajet kezde biliktiń jaqsy qadamdaryn «bárekeldi» dep qoldaý naǵyz memleketke janashyr, patriot adamnyń áreketi.
Al ózindik pikiri joq, madaq pen jaǵympazdyqty kásip etkender memleketshildik bylai tursyn, el úshin eń qaýipti eki júzdi adamdar mine solar.
Biraq elimizde ókinishke orai, osyndailardyń aiy ońynan týyp tur. Sebebi...
