Qairat Balabiev: «Prezident Úndeýine qulaq asyp, elimizdegi tynyshtyq pen berekeli ómir ornatý isine qoldaý kórseteiik!»
Sońǵy kúnderi elimizde oryn alǵan búlikshilik pen lańkestik is-áreketter qarapaiym halyqtyń qalypty ómir tirshiligine jáne áleýmettik nysandar men mekemelerdiń úzdiksiz jumys jasaýyna airyqsha nuqsan keltirip otyr.
Osy oraida, eldegi qalyptasqan jaǵdai jáne qabyldanyp otyrǵan sharalar týraly Memleket Basshysy Q.K.Toqaev kúni keshe halyqqa óziniń Úndeýin jariialady. Prezident bul is-áreketterdiń áskeri daiyndyǵy myqty, arnaiy jattyqtyrýdan ótken jáne belgili bir basqarý pýnkti arqyly basqarylatyn ishki jáne syrtqy qarýly lańkester tarapynan jasalyp otyrǵandyǵyn málimdedi.
Sol sebepten de, Qazaqstan Ujymdyq Qaýipsizdik týraly Shart Uiymyna qatysýshy memleketterden konstitýtsiialyq tártipti qamtamasyz etý maqsatynda biriktirilgen bitimgerlik kúsh engizýdi surady. Biriktirilgen bitimgerlik kúsh Qazaqstandaǵy jaǵdai turaqtandyrylǵanǵa deiin qysqa merzim aralyǵynda jumys isteitinin aitty.
Sonymen qatar, Prezident keibir aimaqtarda internettiń ishinara iske qosylatynyn, biraq onyń jalǵan derekter ornalastyryp, eldegi turaqtylyqty buzýǵa bastaityn aqparattar taratý, arandatý úshin paidalanýǵa qatań tyiym salynatynyn, ondai jaǵdaida arandatýshylar anyqtalyp, olarǵa jaza qoldanylatynyn jetkizdi.
Q.K.Toqaev óńirlerdegi tótenshe jaǵdaidyń kezeń-kezeńimen alynatynyn aityp, halyqqa, onyń ishinde stýdentterge búlikshilerdiń arandatýyna erip ketpei, tynyshtyqty saqtaýǵa, saiasi turaqtylyqty qamtamasyz etýge qosqan úlesi, sanaly azamattyq ustanymdary úshin erekshe rizashylyǵyn aityp, úlken alǵysyn bildirdi.
Osy oraida Maqtaaral aýdany, Kentaý qalasy turǵyndarymen kezdesý ótkizý barysynda eldi aýyzbirshilik pen yntymaqqa shaqyrǵan qazynaly qarttarymyz ben ónegeli órenderimizge, jalpy oblysymyzdyń barlyq aýdandary men qalalarynyń halqyna búlikshildikke boi bermei, qoǵamdyq tártipti saqtaýǵa atsalysqany úshin shynaiy alǵysymdy bildiremin.
Óńir basshysy Ó.E.Shókeev bastaǵan tiisti qurylymdar men oblystyq máslihat depýtattary qalyptasqan jaǵdaidy turaqtandyrý, halyqty tolǵandyratyn problemalyq máselelerdi sheshý jóninen birizdi jumystar júrgize beretin bolady. Qadirli aǵaiyn, lańkestikpen bailanysty el basyna kún týǵan qaiǵyly sátte Prezidentimiz halyqpen birge bolyp, áleýmettik-ekonomikalyq problemalar men halyqtyń muń-muqtajyn qanaǵattandyrý jóninen kúrdeli reformalar men qajetti sharalar keshenin qabyldaityndyǵyn jetkizdi.
Az ýaqytta qabyldanǵan sharalar óz nátijesin bereri sózsiz. Áli-aq Otanymyz – Qazaqstan qaryshtap damityn bolady. Biz barsha halyq bolyp Memleket Basshysynyń Úndeýine qulaq asyp, qasterli elimizde tynyshtyq pen berekeli ómir ornatý isinde qoldaý kórsetýimiz asa mańyzdy. Syn saǵatta halqymyzǵa tán biik parasattylyq pen danalyǵymyzdy kórsete bileiik, aǵaiyn!
Qairat Balabiev, Túrkistan oblystyq máslihatynyń hatshysy
