7 qańtarda Memleket basshysy Qasym-Jomart Toqaev terrorshylardy eskertýsiz atyp óltirýge buıryq berdi.
– Qurmetti depýtattar! Shabýyldaýshylarǵa oq atý Prezıdenttiń áıgili málimdemesinen buryn bastaldy. Bul zań normalary arqyly rettelgen. Osy tusta kúshtik qurylym qyzmetkerleri atys qarýyn birinshi ret
Almatydaǵy Prezıdent Rezıdensıasyn qorǵaý kezinde – 5 qańtar kúni saǵat 16:00 shamasynda qoldanǵanyna erekshe nazar aýdarǵym keledi.
Odan soń polısıa men ákimdikter ǵımarattaryna jáne basqa da obektilerge shabýyl jasalǵanda, ıaǵnı tártipsizdikter kúsh kórsetý satysyna ótken kezde quqyq qorǵaý organdarynyń qyzmetkerleri qarý qoldanǵan, – dedi Berik Asylov Májilistiń búgingi otyrysynda.
Keıin qalalardy qarýly sodyrlardan «tazalaý» kezinde qarý qoldanyldy.
– Demek, shabýyldaýshylarǵa qarsy oq atý Prezıdenttiń belgili málimdemesinen edáýir buryn bolǵan. Bul jaǵdaı týraly barlyq dıskýssıa qoǵamdyq pikirdi ádeıi basqa baǵytqa burýda. İs júzinde, qylmyskerlerge oq atý úshin kúshtik qurylymdarǵa arnaıy buıryq qajet emes.
Bul týraly: quqyq qorǵaý qyzmeti týraly; Ulttyq gvardıa týraly; terorızmge qarsy is-qımyl týraly zańdarda tikeleı normalar bar. Olar adamdardyń ómiri men densaýlyǵyna qater tóngen jaǵdaıda shabýyldy toıtarý úshin atys qarýyn qoldanýǵa múmkindik beredi. Dál sondaı qaterli jaǵdaı 5 qańtar kúni bolyp, 8 qańtarǵa deıin, ıaǵnı jaǵdaı turaqtalǵanǵa deıin jalǵasty, – dedi Berik Asylov.
