7 قاڭتاردا مەملەكەت باسشىسى قاسىم-جومارت توقايەۆ تەررورشىلاردى ەسكەرتۋسىز اتىپ ولتىرۋگە بۇيرىق بەردى.
– قۇرمەتتى دەپۋتاتتار! شابۋىلداۋشىلارعا وق اتۋ پرەزيدەنتتىڭ ايگىلى مالىمدەمەسىنەن بۇرىن باستالدى. بۇل زاڭ نورمالارى ارقىلى رەتتەلگەن. وسى تۇستا كۇشتىك قۇرىلىم قىزمەتكەرلەرى اتىس قارۋىن ءبىرىنشى رەت
الماتىداعى پرەزيدەنت رەزيدەنسياسىن قورعاۋ كەزىندە – 5 قاڭتار كۇنى ساعات 16:00 شاماسىندا قولدانعانىنا ەرەكشە نازار اۋدارعىم كەلەدى.
ودان سوڭ پوليسيا مەن اكىمدىكتەر عيماراتتارىنا جانە باسقا دا وبەكتىلەرگە شابۋىل جاسالعاندا، ياعني تارتىپسىزدىكتەر كۇش كورسەتۋ ساتىسىنا وتكەن كەزدە قۇقىق قورعاۋ ورگاندارىنىڭ قىزمەتكەرلەرى قارۋ قولدانعان، – دەدى بەرىك اسىلوۆ ءماجىلىستىڭ بۇگىنگى وتىرىسىندا.
كەيىن قالالاردى قارۋلى سودىرلاردان «تازالاۋ» كەزىندە قارۋ قولدانىلدى.
– دەمەك، شابۋىلداۋشىلارعا قارسى وق اتۋ پرەزيدەنتتىڭ بەلگىلى مالىمدەمەسىنەن ەداۋىر بۇرىن بولعان. بۇل جاعداي تۋرالى بارلىق ديسكۋسسيا قوعامدىق پىكىردى ادەيى باسقا باعىتقا بۇرۋدا. ءىس جۇزىندە، قىلمىسكەرلەرگە وق اتۋ ءۇشىن كۇشتىك قۇرىلىمدارعا ارنايى بۇيرىق قاجەت ەمەس.
بۇل تۋرالى: قۇقىق قورعاۋ قىزمەتى تۋرالى؛ ۇلتتىق گۆارديا تۋرالى؛ تەرروريزمگە قارسى ءىس-قيمىل تۋرالى زاڭداردا تىكەلەي نورمالار بار. ولار ادامداردىڭ ءومىرى مەن دەنساۋلىعىنا قاتەر تونگەن جاعدايدا شابۋىلدى تويتارۋ ءۇشىن اتىس قارۋىن قولدانۋعا مۇمكىندىك بەرەدى. ءدال سونداي قاتەرلى جاعداي 5 قاڭتار كۇنى بولىپ، 8 قاڭتارعا دەيىن، ياعني جاعداي تۇراقتالعانعا دەيىن جالعاستى، – دەدى بەرىك اسىلوۆ.
