Almatyda fýtboldan Chempiondar ligasynyń toptyq kezeńindegi «Qairat» pen «Real Madrid» arasyndaǵy match barysynda táýlik boiy meditsinalyq baqylaý uiymdastyrylady. Bul týraly qalanyń Qoǵamdyq densaýlyq basqarmasy habarlady.
Osy maqsatta stadion aýmaǵyna bes jedel járdem brigadasy qoiylyp, árqaisysy kez kelgen jaǵdaiǵa jedel is-áreketke daiyn turady.
Almaty qalasy Qoǵamdyq densaýlyq basqarmasynyń málimetinshe, meditsinalyq quram iri sporttyq jáne buqaralyq is-sharalarda tájiribesi mol joǵary bilikti mamandardan jasaqtalǵan. Brigadalar tribýna mańynda jáne kireberis jaqta ornalasyp, uiymdastyrýshylarmen jáne qaýipsizdik qyzmetimen turaqty bailanysta bolady.
Uiymdastyrýshylardyń aitýynsha, barlyq shara jankúierlerdiń qaýipsizdigi men jailylyǵyn qamtamasyz etýge baǵyttalǵan. Bul match qonaqtarynyń Almatydaǵy osynaý jarqyn ári kópten kútken sporttyq oqiǵany alańsyz tamashalaýyna múmkindik beredi.
