«Qasqasý» taý shańǵysy kýrorty – «top 50» nysannyń biri
Ómirzaq Shókeev Túrkistan qalasyndaǵy «Farab» kitaphanasynyń arnaiy alańynda Prezident janyndaǵy Ortalyq kommýnikatsiialar qyzmeti uiymdastyrǵan brifingte jýrnalisterdiń suraǵyna jáne jaýapqa basymdyq berdi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
BAQ ókilderiniń suraqtaryna jaýap bergen oblys basshysy óńirdiń týristik áleýetin damytý maqsatynda qolǵa alynǵan «Qasqasý» taý - shańǵy kýrortyndaǵy búgingi jumystarǵa toqtaldy. Búginde munda infraqurylym júrgizý josparlanýda.
– Ishki jáne kirý týrizminiń basym damýyn eskere otyryp, 2025 jyly týrister aǵyny men kelýshiler sanyn 2 million adamǵa deiin arttyrý josparlanýda. Mysaly, «Qasqasý» taý-shańǵy jobasyn Túrkistan oblysynyń Tólebi aýdanyndaǵy Qasqasý shatqalynda salý josparlanǵan. Joba týristik salany damytýdyń 2019-2025 jyldarǵa arnalǵan memlekettik baǵdarlamasynyń óńirlik mańyzy bar týristifikatsiialaý kartasynyń TOP – 50 nysannyń tizimine engizilgen, – dedi oblys ákimi óz sózinde.
2019 jyly joba Túrkistan oblysynyń 2024 jylǵa deiingi áleýmettik-ekonomikalyq damýynyń keshendi josparyna engizildi. Jobanyń syrtqy injenerlik-infraqurylym sommasy – 3,6 mlrd teńgeni quraidy. Qazirgi ýaqytta «Qasqasý týristik-rekreatsiialyq ortalyǵyn» salý jobasynyń birinshi kezeńin iske asyrý boiynsha jumys júrgizilýde (Jobany iske asyrý kezeńi: 2021-2023 jyldar). Joba júzege asyrylǵanda 5000-ǵa jýyq jumys ornyn qurý kútilýde.
