Jambyl oblysyndaǵy jappaı tártipsizdikte aýyl ákimi taıaq jegen. Talas aýdanyna qarasty Qasqabulaq aýylyna birneshe kún buryn bir top adam tún jarymda tóbeles shyǵarǵan edi. Osy oqıǵadan keıin oblys ákiminiń ózi eldi-mekenge arnaıy baryp, jurtty sabyrǵa shaqyrdy, dep habarlaıdy KTK telearnasy.

Berdibek Saparbaev, Jambyl oblysynyń ákimi:

- Osynyń bári osymen qalý kerek. Qaıtalanbaý kerek. Onsyz bolmaıdy. Birinshi – jaýapkershilik, mindet, ol – ata-ananyń mindeti. Qazaq aıtady: "Uıada ne kórseń, ushqandaı sony ilesiń". Barlyq tárbıe ananyń sútimen keledi. Eń negizgi mindetimiz – ósip kele jatqan jastarǵa durys tárbıe berip, sony saqtaýymyz kerek.

Bes-alty kólikke mingen jastar aýylǵa basa-kóktep kirip, úılerdi taspen atqylapty. Bes úı men klýbtyń terzesi synǵan. Al olardy toqtatýǵa aýyl ákimi shyqqanymen, soqqyǵa jyǵylyp tynǵan.

Abyroı bolǵanda, jaraqaty jeńil. Ózge japa shekkender joq. Polıseıler eldiń úreıin alǵan 14 adamdy izin sýytpaı ustap, qamaýǵa aldy. Olardyń nelikten mundaı qadamǵa barǵany tekserilýde. Qazir buzaqylyq babymen is qozǵalyp, tergeý júrgizilip jatyr. Aýyldaǵy ahýal qazir turaqty.

Tımýr Jańabaev, Talas aýdandyq PB bastyǵy:

- 14 adamdy izin sýytpaı ustady. Ustalǵandar Talas aýdandyq polısıa bólimine jetkizildi. Atalǵan derekke qatysty QR QK 293-babymen buzaqylyq deregi boıynsha sotqa deıingi tergeý bastaldy.

Taǵy oqyńyz:

https://dalanews.kz/55375