جامبىل وبلىسىنداعى جاپپاي تارتىپسىزدىكتە اۋىل اكىمى تاياق جەگەن. تالاس اۋدانىنا قاراستى قاسقابۇلاق اۋىلىنا بىرنەشە كۇن بۇرىن ءبىر توپ ادام ءتۇن جارىمدا توبەلەس شىعارعان ەدى. وسى وقيعادان كەيىن وبلىس اكىمىنىڭ ءوزى ەلدى-مەكەنگە ارنايى بارىپ، جۇرتتى سابىرعا شاقىردى، دەپ حابارلايدى كتك تەلەارناسى.

بەردىبەك ساپاربايەۆ، جامبىل وبلىسىنىڭ اكىمى:

- وسىنىڭ ءبارى وسىمەن قالۋ كەرەك. قايتالانباۋ كەرەك. ونسىز بولمايدى. ءبىرىنشى – جاۋاپكەرشىلىك، مىندەت، ول – اتا-انانىڭ مىندەتى. قازاق ايتادى: "ۇيادا نە كورسەڭ، ۇشقانداي سونى ىلەسىڭ". بارلىق تاربيە انانىڭ سۇتىمەن كەلەدى. ەڭ نەگىزگى مىندەتىمىز – ءوسىپ كەلە جاتقان جاستارعا دۇرىس تاربيە بەرىپ، سونى ساقتاۋىمىز كەرەك.

بەس-التى كولىككە مىنگەن جاستار اۋىلعا باسا-كوكتەپ كىرىپ، ۇيلەردى تاسپەن اتقىلاپتى. بەس ءۇي مەن كلۋبتىڭ تەرزەسى سىنعان. ال ولاردى توقتاتۋعا اۋىل اكىمى شىققانىمەن، سوققىعا جىعىلىپ تىنعان.

ابىروي بولعاندا، جاراقاتى جەڭىل. وزگە جاپا شەككەندەر جوق. پوليسەيلەر ەلدىڭ ۇرەيىن العان 14 ادامدى ءىزىن سۋىتپاي ۇستاپ، قاماۋعا الدى. ولاردىڭ نەلىكتەن مۇنداي قادامعا بارعانى تەكسەرىلۋدە. ءقازىر بۇزاقىلىق بابىمەن ءىس قوزعالىپ، تەرگەۋ جۇرگىزىلىپ جاتىر. اۋىلداعى احۋال ءقازىر تۇراقتى.

تيمۋر جاڭابايەۆ، تالاس اۋداندىق پب باستىعى:

- 14 ادامدى ءىزىن سۋىتپاي ۇستادى. ۇستالعاندار تالاس اۋداندىق پوليسيا بولىمىنە جەتكىزىلدى. اتالعان دەرەككە قاتىستى ق ر قك 293-بابىمەن بۇزاقىلىق دەرەگى بويىنشا سوتقا دەيىنگى تەرگەۋ باستالدى.

تاعى وقىڭىز:

https://dalanews.kz/55375