- Sońǵy 8 jyldyń kóleminde respýblika boiynsha ýaqytsha oqshaýlaý ortalyǵy, beiimdelý mekemelerine 70 myńnan astam kámelettik jasqa tolmaǵan jasóspirimder jetkizildi. Sizge suraǵym, osy kórsetkishterdi azaitý úshin qazirgi kezde naqty qandai is-sharalar qoldanyp jatyrsyzdar?
Mine, osynaý qarapaiym ǵana suraqty Genadai otandasy ózine arnap, óziniń ana tilinde joldaǵanyna qaramastan ministr Qasymov qazaqsha jaýap berýge kelgende jalt berdi. Jaýabynyń siqy sózbe-sóz keltirgende bylai bolyp shyqty:
“Suraqqa rahmet! Ruqsat bolsa, men oryssha jaýap bereiin. Ia skazal, chto nam nado zanimatsia. Kakie shkoly nam nado reshat. Vsego ý nas 8 ýchebnyh zavedenii i vsego odna spetsshkola dlia teh, kto sovershil prestýplenie”, – dedi Ishki ister ministri. (Tolyq siltemesi qazaquni.kz)
Árine, ministr Qasymovtyń Májilis depýtattary aldynda talai ózekti saýalǵa tiianaqty jaýap berip, óz salasynda atqarylǵan jumystarynan habardar etkendigi ras. Biraq, osy bir kishkentai ǵana kórinis onyń qazaq shendileriniń ishinde óz týǵan tiline degen qurmetten maqurym jaratylǵan «mizbaqpas ministr» ekendigin tanytyp, búkil jumysynan túńildirip jiberdi. Syrtqy ister ministri Ydyrysovtyń birneshe til bilgenimen, qazaq tilinen habarsyzdyǵy talai synǵa alynyp júrgende, ishki ister minsitriniń bul qylyǵy «murtqa ókpelep júrgende saqal shyqtyny» eske túsirdi. Bárinen de shymbaiǵa batqany qazaq tilinde saýal joldaǵan orys Shipovskih ǵurly túisiginiń bolmaǵany jaýap berý deńgeiine qarap «kúisegenińdi uraiyn» demeske lajyń qalmaidy eken. Bul bir.
Ekinshiden Elbasy Nursultan Nazarbaev osydan biraz ýaqyt buryn ǵana ótken Qazaqstan halqy Assambleiasynyń sessiiasynda orys tilinde joldanǵan suraqqa sol tilde jaýap berý kerektigin, óitpegen jaǵdaida (máselen, jaýapty qazaq tilinde joldasa) kez kelgen laýazymdy tulǵanyń qyzmetimen qosh aitysatynyn qatal eskerkeni belgili. Tipti, bul áleýmettik jelilerde ekiudai pikir týǵyzyp, aqyry sol kezdegi Prezidenttiń baspasóz hatshysy, búgingi Aqparat jáne kommýnikatsiia ministri Dáýren Abaevtyń arnaiy túsinik berýimen óz jónin tapqan bolatyn. Al mundai jaǵdaida qalai bolar eken?! Ministrge memlekettik tilde suraq qoiǵan Gennadige resmi tilde jaýap bergen (sol tilde emes!) Qasymovtyń qyzmetimen qosh aitysýy múmkin be?! Ái, qaidam... Óitkeni, qazaq tilinde málimdeme jasaý turmaq, qazaqsha áripterdiń basyn qosyp áreń oqityn Premer Másimovtiń ózi osyndai «úlgi kórsetip» otyrǵanda qaramaǵyndaǵy ishki ister ministri Qalmuhambet Qasymovtyń qazaq tilinde qamshy saldyrmai jaýap qatý ekitalai dúnie. Al, Shipovskih siiaqty TÁÝELSIZDIKTIŃ JAŃA BÝYNYNA myń alǵys, árine!
Sátjan QASYMJANULY,
Shyǵys Qazaqstan oblysy.
