Ulan aýdanynda jaqyn ýaqytta birden úsh mańyzdy áleýmettik nysan paida bolady, - dep habarlaidy Dalanews.kz
Qasym Qaisenov aýylyndaǵy eki qabatty tiptik ǵimaratta ornalasqan, sapaly bilim berýdiń zamanaýi talaptaryna sai keletin orta mektep 320 balaǵa arnalǵan. Alaida oqýshylar sany artyp, oqý kabinetterine syimai jatyr. Mektepte oqý kabinetteri men sport zaly jetpeitini baiqalýda, bul oqý úderisin uiymdastyrýǵa kedergi keltiredi ári memlekettik bilim berý standarttaryna sai emes.
Jyl saiyn oqý jylynyń basyna qarai aýyldaǵy oqýshylar sany 200 adamǵa artyp, jumys istep turǵan oqý oryndaryna qosymsha salmaq túsiredi.
- Halyq pen oqýshylardyń sany artqanyn eskere otyryp ári memlekettik bilim berý standarttaryn saqtaý úshin 600 oryndyq jańa mektep salý qajettiligi týyndaidy. Jańa mektep salynsa, oqý ornynyń tapshylyǵy máselesi sheshilip, kentte memlekettik jáne orys tilderinde sapaly bilim berýdi qamtamasyz etedi. Salalyq saraptamalyq-smetalyq komissiianyń qorytyndysyna sáikes, Qasym Qaisenov aýylynda halyq sanynyń kóbeiýine jáne aýmaǵynyń keńeiýine bailanysty memlekettik-jekemenshik áriptestik tetigin paidalana otyryp, 280 oryndyq balabaqsha salý múmkindigi qarastyrylýda, - dep málimdedi Nurymbet Saqtaǵanov.
Aýdan ortalyǵynda taǵy bir mańyzdy nysan paida bolady.
Búginde Qasym Qaisenov aýylynyń dárigerlik ambýlatoriiasy turǵyn úidiń ekinshi qabatynda ornalasqandyqtan qyzmetkerlerge de, emdelýshilerge de qolaisyzdyqtar týǵyzýda. Meditsinalyq kómek kórsetý jaǵdaiyn jaqsartý jáne turǵyndardyń suranysyn qanaǵattandyrý maqsatynda «Aýyl – el besigi» baǵdarlamasy aiasynda aýysymyna 150 adamdy qabyldaityn jańa emhana salynyp jatyr.
- Emhananyń jańa, zamanaýi ǵimaraty qazirgi meditsinalyq standarttar men innovatsiialyq tehnologiialardy eskere otyryp jobalanǵan. Ol patsientterge jaily jaǵdai jasaýǵa, ómir súrý sapasyn jaqsartýǵa jáne meditsina qyzmetkerleriniń tiimdi jumysyn qamtamasyz etýge baǵyttalǵan. Emhanada jalpy tájiribelik dárigerler men beiindi mamandar qabyldaityn bolady, bul diagnostikalaý men naýqastardy emdeýge keshendi túrde qaraýǵa múmkindik beredi, - dep atap ótti ShQO ákimi Nurymbet Saqtaǵanov.
