Dúniejúzilik pandemiiaǵa bailanysty týyndaǵan kúrdeli jaǵdaida «Órleý» BAUO» aktsionerlik qoǵamynyń óńirlik filialdaryndaǵy oqytýshylar, Mazmuny jańartylǵan bilim berý baǵdarlamasy boiynsha trenerler men mamandardyń atqarǵan eńbeginiń jemisti nátijeleri de jikteldi.
Atap aitsaq, pedagogterdiń biliktiligin arttyrý kýrstaryna qatysqan tyńdaýshylar ártúrli platformalarda jumys jasaýdy, onlain oqytý protsesindegi túrli resýrstardy utymdy paidalanýdy úirenip, tsifrlyq ortada kásibi daǵdylaryn qalyptastyrýǵa múmkindik aldy.
Sonymen qatar filial qyzmetkerleri Feisbýk, Instagram syndy áleýmettik jelilerde vebinar, onlain-kezdesý, seminarlar uiymdastyryp, pedagogkke ádistemelik qoldaý kórsetý jumystary úzdiksiz júrgizilýde. Pán muǵalimderi úshin oqý jylynyń árbir toqsanyna arnalǵan beinesabaqtar ázirlenip, «Órleý» bilim kanalyna ornalastyrylǵany, budan basqa da ádistemelik resýrstar men olardyń siltemeleri filial saittary arqyly muǵalimderge qoljetimdiligi qamtamasyz etilgen.
Atqarylǵan jumys qanshalyqty aýqymdy bolsa, keleshekte eńserer mindettiń odan da eresen ekendigin baǵamdaǵan «Órleý» BAUO» AQ basshylyǵy Pandemiianyń tyǵyryǵyna tejelip qalmai, ustazdardyń biliktiligin arttyrý sapasyn jańa satyǵa kóterý maqsatynda muǵalimderge arnalǵan pándik kýrstardy jandandyrý, úlgerimi nashar oqýshylardy oqytýdyń tiimdi ádisterin zerdelep, tájiribege usyný mindetterin belgiledi.
P.Asylbek
