"Biz áli de aýylbai (aýyldan ary qaraiǵysyn oilai almaityn adam) sekildi oilap, sodan zardap shegip kelemiz. Ol bizdiń halyqaralyq jáne syrtqy saiasat taqyrybyndaǵy pikirtalastarymyzdan anyq baiqalyp turady.
Ulttyq múdde turǵysyndaǵy jalǵan namysty bir sátke ysyryp qoiyp, shyndap, osynyń qaisy bizge paidaly nemese kerisinshe, bizdiń múddelerimizge bul sai emes qoi dep oilanýdan góri, bizdiń sarapshy aýditoriia úshin basqalardyń biz týraly ne oilaityny, ony qalai qabyldaityny, renjip qala ma nemese renjimei me eken degen sekildi máseleler mańyzdy bolyp ketedi.
Sodan keiin de basqa eldiń Syrtqy ister ministrligi jasaǵan málimdemege dúrligip, joq jaýdy taqatyp, tý-talaqai bolyp shala búlinip jatqandary. Áitpese barlyq osy nota, demarsh degenderińiz – kerek kezde óz retimen diplomatiialyq tártip boiynsha jasalatyn ádettegi jumystar, ol úshin qara túnekti tóndirýdiń esh qajeti joq"- deidi ol Telegram-daǵy arnasynda.
Ol qazaqstandyqtar pragmatik bolýy kerek dep sanaidy.
"Shynymdy aitsam, bul bizdi qyzyqtyratyn sońǵy másele bolýy kerek, biz pragmatik bolýymyz tiis, eń birinshi kezekte basqalardyń pikirine emes, óz múddemizge qarai beiimdelýimiz kerek, barlyǵyna birdei jaǵýǵa tyrysýdyń keregi joq", - dep sózin túiindedi ol.
Aldynda Qasym-Jomart Toqaev Deutsche Welle basylymyna bergen suhbatynda Ýkrainadaǵy oqiǵalarǵa óziniń kózqarasy týraly aitqan bolatyn.
- Biz Qyrymda bolǵan jaitty anneksiia dep aitpaimyz. Bolatyn nárse boldy. Anneksiia sózi Qyrymǵa qatysty qoldaný úshin tym aýyr", - dedi ol.
Keiin Ýkrainanyń syrtqy ister ministrligi Qazaqstan prezidentiniń bul málimdemesine demarshpen jaýap berýge ýáde etken.
