"Erlan Tynymbaiuly Qarin Qazaqstan Respýblikasy Prezidentiniń kómekshisi bolyp taǵaiyndalsyn, ol Qazaqstan Respýblikasy Prezidentiniń keńesshisi qyzmetinen bosatylsyn", delingen Aqorda taratqan habarlamada.
Qarin sonyń aldynda ǵana telegram-arnasynda jazba qaldyryp, Prezident Toqaev kadrlardy irikteýde jańa tásilderdi qoldana otyryp, memlekettik qyzmetke jańa menedjerlerdi belsendi tartýdy qup kóretinin aitqan.
- Mine, keshe ǵana Prezidenttiń kadrlar rezerviniń ókili bolyp tabylatyn Aibek Sáttibaev Shymkent qalasy ákiminiń orynbasary bolyp taǵaiyndaldy. Sonymen qatar, Keshe Ulttyq senim qoǵamdyq keńesiniń múshesi Shyńǵys Muqan Shymkent qalasy ákiminiń birinshi orynbasary boldy.
Shyńǵys Muqan Ulttyq keńesten memlekettik qyzmetke qabyldanǵan alǵashqy múshesi bolyp tabylmaidy.
Buǵan deiin Baǵdat Mýsin osy keńes qatarynan memlekettik laýazymǵa tartylǵan, ol aldymen Prezidenttiń keńesshisi boldy jáne qazirgi ýaqytta QR Tsifrlyq damý, innovatsiia jáne aeroǵarysh indýstriiasy ministri mindetin ýaqytsha atqarýshy bolyp tabylady; Berik Ábdiǵaliuly 2019 jyldyń qazan aiynda Qaraǵandy oblysy Ulytaý aýdanynyń ákimi bolyp taǵaiyndaldy; Maksim Spotkai jaqynda QR Parlamenti Senaty Apparaty basshysynyń orynbasary boldy, - dep jazdy Erlan Karin.
