Aita ketsek, aldaǵy jumada AQSh pen Resei Federatsiiasy basshylary telefonmen sóilesip, Ýkrainadaǵy atysty toqtatý máselesin talqylaityny josparlanyp otyr. Osyny negizge alǵan Qazaqstan qarjygerleri qaýymdastyǵy apta sońyna qarai teńge men reseilik rýbldiń taǵy da nyǵaia túsetinin boljaidy, dep habarlaidy Dalanews.kz.
Osy aptada seisenbidegi qor birjasyndaǵy saýda-sattyq qorytyndysy boiynsha ulttyq valiýtaǵa shaqqanda 1 AQSh dollarynyń quny 5,82 teńgege taǵy arzandap, 488,44 teńgeni qurady. Saýda-sattyqtyń joǵary kólemi (270,1 mln dollar) tirkeldi.
"Ulttyq valiýta baǵamynyń mundai sipaty bazalyq mólsherlemeniń joǵarylaýy, Ulttyq Banktiń operatsiialary jáne kvazimemlekettik sektor sýbektileri satýy aiasynda shetel valiýtasynyń turaqty usynysy, sondai-aq jyldyń birinshi toqsanynda saýda balansynyń profitsitiniń jaqsarýymen aiqyndalýy múmkin. Syrtqy faktor tarapynan rýbldiń qatty nyǵaiýy jáne bir mezgilde dollar indeksine qatysty júrgizilip jatqan túzetýler jergilikti sentimentke jaǵymdy áser etýi yqtimal. Bul turǵyda Ýkrainadaǵy áskeri qaqtyǵysty retteýge qarai jasalǵan alǵashqy qadamdar aldaǵy kúnderi rýbl men teńgege aitarlyqtai oń áser etýi múmkin ekenin atap ótemiz. Aita ketsek, Djiddadaǵy kelissózderdiń qorytyndysy boiynsha Ýkraina AQSh-tyń atysty toqtatýdyń 30 kúndik rejimi týraly usynysyna kelisken. Búgin amerikalyq jáne reseilik diplomattar arasynda kelissózder bolady dep kútilýde, al jumada Ýkrainadaǵy atysty doǵarý máselesin AQSh pen Resei basshylary telefon arqyly talqylamaq", delingen Qazaqstan qarjygerleri qaýymdastyǵy habarlamasynda.
Buǵan deiin saitymyzda teńgeniń rýblge erýin doǵarǵanyn jazǵanbyz.
