Qarjy piramidasyna qatysy bar qazaqstandyq 2000 jyly qaitys bolǵan qyrǵyzstandyqtyń qujatymen júrgen, - dep habarlaidy Dalanews.kz tilshisi.
Jergilikti 24.kg saitynyń derekterine súiensek, Qyrǵyzstannyń Memlekettik ishki ister ministrligi byltyr 30 jeltoqsanda Bishkekte ustalǵan qazaqstandyqqa qatysty istiń mán-jaiyn aitqan. Kúdikti 2000 jyly marqum bolyp ketken qyrǵyzstandyqtyń qujatymen júrgen.
Qazaqstandyq kúdikti Qyrǵyzstan shekarasynan ótip, Qazaqstannyń quqyq qorǵaý organdary ókilderinen jasyrynyp júrgen. Bishkektegi tirkeý organynyń laýazymdy qyzmetkeri oǵan respýblikada zańdy júrýine kómektesken.
"Odan bólek, kúdikti qatysty esirtki saqtaǵany úshin qylmystyq is qozǵalyp, 150 myń som aiyppul arqalap úlgergen", - deidi MIIM ókilderi.
Al qazaqstandyqqa zańsyz qujat berdi degen kúdikpen Bishkektegi halyqty tirkeý departamenti, pasporttyq-vizalyq jáne tirkeý jumysy bóliminiń jetekshi mamany ustalǵan.
