قارجى پيراميداسىنا قاتىسى بار قازاقستاندىق 2000 جىلى قايتىس بولعان قىرعىزستاندىقتىڭ قۇجاتىمەن جٷرگەن, - دەپ حابارلايدى Dalanews.kz تٸلشٸسٸ.
جەرگٸلٸكتٸ 24.kg سايتىنىڭ دەرەكتەرٸنە سٷيەنسەك, قىرعىزستاننىڭ مەملەكەتتٸك ٸشكٸ ٸستەر مينيسترلٸگٸ بىلتىر 30 جەلتوقساندا بٸشكەكتە ۇستالعان قازاقستاندىققا قاتىستى ٸستٸڭ مەن-جايىن ايتقان. كٷدٸكتٸ 2000 جىلى مارقۇم بولىپ كەتكەن قىرعىزستاندىقتىڭ قۇجاتىمەن جٷرگەن.
قازاقستاندىق كٷدٸكتٸ قىرعىزستان شەكاراسىنان ٶتٸپ, قازاقستاننىڭ قۇقىق قورعاۋ ورگاندارى ٶكٸلدەرٸنەن جاسىرىنىپ جٷرگەن. بٸشكەكتەگٸ تٸركەۋ ورگانىنىڭ لاۋازىمدى قىزمەتكەرٸ وعان رەسپۋبليكادا زاڭدى جٷرۋٸنە كٶمەكتەسكەن.
"ودان بٶلەك, كٷدٸكتٸ قاتىستى ەسٸرتكٸ ساقتاعانى ٷشٸن قىلمىستىق ٸس قوزعالىپ, 150 مىڭ سوم ايىپپۇل ارقالاپ ٷلگەرگەن", - دەيدٸ مٸٸم ٶكٸلدەرٸ.
ال قازاقستاندىققا زاڭسىز قۇجات بەردٸ دەگەن كٷدٸكپەن بٸشكەكتەگٸ حالىقتى تٸركەۋ دەپارتامەنتٸ, پاسپورتتىق-ۆيزالىق جەنە تٸركەۋ جۇمىسى بٶلٸمٸنٸڭ جەتەكشٸ مامانى ۇستالعان.
